HIGHLIGHTS : ദില്ലി : പൈലറ്റുമാരുടെ
ദില്ലി : പൈലറ്റുമാരുടെ സമരത്തെ തുടര്‍ന്ന് മുടങ്ങിയ സര്‍വ്വീസുകള്‍ എയര്‍ ഇന്ത്യ ഭാഗികമായി പുനരാരംഭിച്ചു. പൈലറ്റുമാരുടെ സമരം ഇന്ന് ഒമ്പതാം ദിവസത്തിലേക്ക് കടന്നു. അമേരിക്കയിലേക്കും യൂറോപ്പിലേക്കുമുള്ള വിമാന സര്‍വീസുകളാണ് കമ്പനി പുനരാരംഭിച്ചിത്. ദിവസങ്ങളായി യാത്രക്കാര്‍ അനുഭവിച്ചു വരുന്ന അസൗകര്യത്തിന് പരിഹാരമായാണ് എയറി ഇന്ത്യയുടെ ഈ നടപടി.
ഡല്‍ഹി- പാരിസ്-ന്യൂയോര്‍ക്ക് , ഡല്‍ഹി-ഫ്രാങ്ക്ഫര്‍ട്ട്-ചിക്കാഗോ എന്നീ റൂട്ടുകളിലേക്കും എയര്‍ ഇന്ത്യ സര്‍വീസ് നടത്തി.
ചര്‍ച്ചയ്ക്ക് പൈലറ്റുമാര്‍ തയ്യാറാണെന്നും , എന്നാല്‍ ചര്‍ച്ചയ്ക്ക് സര്‍ക്കാര്‍ മുന്‍കൈ എടുക്കണമെന്നുമാണ് പൈലറ്റുമാരുടെ സംഘടനയായ ഇന്ത്യന്‍ പൈലറ്റ് ഗില്‍ഡിന്റെ നിലപാട്.
അതെ സമയം ഡല്‍ഹില്‍ നിന്ന് ഷാങ്ഹായിലേക്കും, ഡല്‍ഹില്‍ നിന്ന് ലണ്ടനിലേക്കും ഷെഡ്യൂള്‍ അനുസരിച്ച് സര്‍വീസ് നടത്തുമെന്ന് കമ്പനി വ്യക്തമാക്കിയിട്ടുണ്ട്.
