ന്യൂഡല്ഹി: ലോക്സഭയില് നടന്ന വോട്ടെടുപ്പില് വനിത സംവരണ ഭേദഗതി ബില് പരാജയപ്പെട്ടു. വോട്ടിനിട്ട ബില്ലിന് മൂന്നില് രണ്ട് ഭൂരിപക്ഷം ലഭിച്ചില്ല. ലോക്സഭാംഗങ്ങളില് 489 പേര് വോട്ടു ചെയ്തതില് 278 അംഗങ്ങള് ബില്ലിനെ പിന്തുണച്ചു. ബില്ലിനെ എതിര്ത്ത് 211 അംഗങ്ങളാണ് വോട്ടു ചെയ്തത്. നിശ്ചിത ഭൂരിപക്ഷം ലഭിക്കാത്തതിനാല് ബില് പാസായില്ല.
ലോക്സഭയിലെ 537 അംഗങ്ങളില് 360പേര് അനുകൂലമായി വോട്ടു ചെയ്താലാണ് ഭേദഗതി പാസാവുക. ഭരണപക്ഷമായ എന്ഡിഎയ്ക്ക് ലോക്സഭയില് 293 അംഗങ്ങളാണുള്ളത്. 67 സീറ്റുകളുടെ കുറവാണ് എന്ഡിഎയ്ക്കുള്ളത്.
2029ലെ ലോക്സഭ തിരഞ്ഞെടുപ്പോടെ വനിതാ സംവരണം നടപ്പിലാക്കുന്നതിനായി മൂന്നു ബില്ലുകളാണ് സര്ക്കാര് അവതരിപ്പിച്ചത്. 2023-ലെ നാരീശക്തി വന്ദന് അധിനിയമം ഭേദഗതി ചെയ്യുന്നതിനുള്ള ഭരണഘടനാ (131ാം ഭേദഗതി) ബില്ല്, മണ്ഡല പുനര്നിര്ണ്ണയത്തിനായുള്ള ഡീലിമിറ്റേഷന് ബില്ല്, കേന്ദ്രഭരണ പ്രദേശങ്ങളിലേക്ക് സംവരണം വ്യാപിപ്പിക്കുന്നതിനുള്ള മൂന്നാമത്തെ ബില്ല് എന്നിവയാണ് ആ മൂന്നു ബില്ലുകള്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
