HIGHLIGHTS : ലണ്ടന്‍ : ലോകമുറ്റുനോക്കുന്ന കായിക മാമാങ്കത്തിന് തിരിതെളിഞ്ഞു.
ഹോളിവുഡ് സംവിധായകന്‍ ഡാനി ബോയല്‍ ഒരുക്കിയ ബ്രിട്ടന്റെ ചരിത്രവും സാഹിത്യവും കലയും അര്‍ത്ഥവത്താക്കുന്നതരത്തില്‍ അണിയിച്ചൊരുക്കിയ ഉദ്ഘാടന ചടങ്ങ് ഏറെ ശ്രദ്ധേയമായി.
സ്റ്റേഡിയത്തിന്റെ കോണില്‍ സൃഷ്ടിക്കപ്പെട്ട കുന്നും അതിനു മുകളിലെ വൃക്ഷവും. അതിനുള്ളില്‍ നിന്നു പുറത്തുവരുന്ന മനുഷ്യരും. അവരുടെ ജീവിത പരിണാമങ്ങളും. ഒന്നേകാല്‍ മണിക്കൂറിന്റെ വിസ്മയം തന്നെയായിരുന്നു ബോയല്‍ ഒരുക്കിയത്‌.
120 -ഓളം ലോകനേതാക്കളുള്‍പ്പെടെ 80,000 പേര്‍ വിസ്മയ നിമിഷങ്ങള്‍ക്ക് നേരിട്ട് സാക്ഷികളായി. 100 കോടിയോളംപേര്‍ അത് ടെലിവിഷനില്‍ കണ്ടു.
വര്‍ണമനോഹരമായ ഉദ്ഘാടനച്ചടങ്ങിനുശേഷം നടന്ന കായികതാരങ്ങളുടെ മാര്‍ച്ച്പാസ്റ്റില്‍ ഗുസ്തിതാരം സുശീല്‍കുമാര്‍ ഇന്ത്യയുടെ പതാകയേന്തി.
