HIGHLIGHTS : Heavy rain expected in Kerala; Red alert in Idukki ഉരുള്പൊട്ടല്, മണ്ണിടിച്ചില്, വെള്ളപ്പൊക്കം തുടങ്ങിയ ദുരന്തങ്ങള്ക്കുള്ള സാധ്യത ഇത്തരത്തില് മ...
തിരുവനന്തപുരം: ഇന്നും നാളെയും കേരളത്തില് വ്യാപകമായി ശക്തമായ മഴയ്ക്ക് സാധ്യതയുണ്ടെന്നും ഇടുക്കി ജില്ലയില് ഇന്ന് അതിതീവ്ര മഴക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ്. ഏറ്റവും ഉയര്ന്ന ജാഗ്രത മുന്നറിയിപ്പാണ് ‘റെഡ് അലേര്ട്ട്. ജില്ലയില് പലയിടത്തും 24 മണിക്കൂറില് 205 മില്ലിമീറ്ററില് അധികം മഴ ലഭിക്കാനുള്ള സാധ്യതയാണ് ഈ മുന്നറിയിപ്പുകൊണ്ട് അര്ത്ഥമാക്കുന്നത്.
അതിതീവ്ര മഴ വലിയ അപകടസാധ്യതയുള്ളതാണ്. ഉരുള്പൊട്ടല്, മണ്ണിടിച്ചില്, വെള്ളപ്പൊക്കം തുടങ്ങിയ ദുരന്തങ്ങള്ക്കുള്ള സാധ്യത ഇത്തരത്തില് മഴ ലഭിക്കുന്ന പ്രദേശങ്ങളില് വളരെ കൂടുതലായിരിക്കും. ആയതിനാല് സര്ക്കാര് സംവിധാനങ്ങളും പൊതുജനങ്ങളും പൂര്ണ്ണ സജ്ജരാവുകയും മുന്കരുതല് നടപടികള് പൂര്ത്തീകരിക്കേണ്ടതുമാണ്.
ഇടുക്കി ജില്ലയില് അതിതീവ്ര മഴ പെയ്യുന്ന സാഹചര്യം എറണാകുളം, കോട്ടയം ജില്ലകളിലെ സ്ഥിതി കൂടുതല് രൂക്ഷമാക്കാനുള്ള സാധ്യത മുന്നില് കണ്ടുകൊണ്ടുള്ള തയ്യാറെടുപ്പുകള് നടത്തേണ്ടതാണ്. രാത്രി സമയങ്ങളില് മഴ ശക്തമാകാനുള്ള സാധ്യത മുന്നില് കണ്ട് കൊണ്ട് ദുരന്ത സാധ്യത മേഖലയിലുള്ളവര്ക്ക് ക്യാമ്പുകള് സജ്ജീകരിച്ച് ആളുകളെ അറിയിക്കേണ്ടതും പകല് സമയത്ത് തന്നെ ക്യാമ്പുകളിലേക്ക് ആളുകളെ മാറ്റേണ്ടതുമാണ്.
2020 ജൂലൈ 29 : കോട്ടയം, എറണാകുളം, തൃശൂര്, പാലക്കാട്.
2020 ജൂലൈ 30 : മലപ്പുറം, കോഴിക്കോട്, വയനാട്, കണ്ണൂര്,കാസര്ഗോഡ്.
എന്നീ ജില്ലകളില് കേന്ദ്ര കാലാവസ്ഥ വകുപ്പ് ഓറഞ്ച് അലേര്ട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളില് അതിശക്തമായ മഴയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 115.6 mm മുതല് 204.4 mm വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കാലാവസ്ഥ വകുപ്പ് അര്ത്ഥമാക്കുന്നത്.
കഴിഞ്ഞ 24 മണിക്കൂറില് അതിശക്തമായ മഴ ഇതിനോടകം ലഭിച്ചു കഴിഞ്ഞ കോട്ടയം, എറണാകുളം ജില്ലകള് അതീവ ജാഗ്രത പാലിക്കേണ്ടതാണ്.
2020 ജൂലൈ 29 : തിരുവനന്തപുരം, കൊല്ലം, പത്തനംതിട്ട, ആലപ്പുഴ, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ്.
2020 ജൂലൈ 30 : ആലപ്പുഴ, കോട്ടയം, എറണാകുളം, തൃശ്ശൂര്, പാലക്കാട്.
2020 ജൂലൈ 31 : കൊല്ലം, ആലപ്പുഴ, കോട്ടയം, എറണാകുളം, കണ്ണൂര്, കാസറഗോഡ്.
2020 ഓഗസ്റ്റ് 1 : മലപ്പുറം, കോഴിക്കോട്, കണ്ണൂര്, കാസറഗോഡ്.
2020 ഓഗസ്റ്റ് 2 : ഇടുക്കി, എറണാകുളം, തൃശ്ശൂര്, മലപ്പുറം, കോഴിക്കോട്, കണ്ണൂര്, കാസറഗോഡ്.
എന്നീ ജില്ലകളില് കേന്ദ്ര കാലാവസ്ഥ വകുപ്പ് Yellow അലേര്ട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളില് 24 മണിക്കൂറില് 64.5 mm മുതല് 115.5 mm വരെ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്.
കേന്ദ്ര കാലാവസ്ഥ വകുപ്പ് അതിശക്തമായ മഴക്കുള്ള സാധ്യത പ്രവചിച്ചിരിക്കുന്നതിനാല് പൊതുജനങ്ങളും സര്ക്കാര് സംവിധാനങ്ങളും അതീവ ജാഗ്രത പാലിക്കേണ്ടതാണ്. റെഡ്, ഓറഞ്ച്, മഞ്ഞ അലേര്ട്ട് പ്രഖ്യാപിക്കപ്പെട്ടിരിക്കുന്ന ജില്ലകളിലും സമീപ ജില്ലകളിലുമുള്ള താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം.
Note; കേന്ദ്ര കാലാവസ്ഥ വകുപ്പ് മുന്നറിയിപ്പില് മാറ്റങ്ങള് വരുത്തുന്നതനുസരിച്ച് അലെര്ട്ടുകളില് മാറ്റം വരാവുന്നതാണ്. ദുരന്ത നിവാരണ അതോറിറ്റിയുടെ ഫേസ്ബുക്ക്, ട്വിറ്റെര് പേജുകളും പരിശോധിക്കുക.