മഥുര: വിവാഹച്ചടങ്ങിനിടെ കാമുകന്റെ വെടിയേറ്റ് യുവതിക്ക് ദാരുണാന്ത്യം. ഉത്തര്പ്രദേശിലെ മഥുരയില് മുബാരിക്കൂര് ഗ്രാമത്തിലാണ് സംഭവം. കാജല് എന്ന യുവതിയാണ് മുന് കാമുകന്റെ ആക്രമണത്തില് കൊല്ലപ്പെട്ടത്.
വിവാഹചടങ്ങിനിടെ വിശ്രമമുറിയിലേക്ക് പോയ യുവതിയുടെ മുറിയിലേക്ക് അതിക്രമിച്ച് കയറി കാമുകനായ അനീഷ് വെടിയുതിര്ക്കുകയായിരുന്നു. ഇടത് കണ്ണിന് സമീപം വെടിയേറ്റ യുവതി തത്ക്ഷണം മരിച്ചു.
ഇരുവരും പ്രണയത്തിലായിരുന്നെന്നും മറ്റൊരാളുമായുള്ള വിവാഹം അംഗീകരിക്കാന് കഴിയാത്തതിനാലാണ് അനീഷ് വെടിയുതിര്ത്തതെന്നും പോലീസ് പറഞ്ഞു.
സംഭവസ്ഥലത്തു നിന്ന് രക്ഷപ്പെട്ട യുവാവിനെ പിടികൂടുന്നതിനായി അന്വേഷണം ഊര്ജിതമാക്കിയതായി പോലീസ് അറിയിച്ചു. നാടന് തോക്ക് ഉപയോഗിച്ചായിരുന്നു യുവാവ് വെടിവച്ചത്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
