കല്പ്പറ്റ: മുന്നണികള് തമ്മില് വാശയേറിയ പ്രചാരണം നടന്ന ചേലക്കരയും വയനാടും ഇന്ന് വിധി എഴുതും. ചേലക്കര, വയനാട് നിയമസഭാ മണ്ഡലങ്ങളില് ഉപതെരഞ്ഞെടുപ്പിനോട് അനുബന്ധിച്ച ഒരുക്കങ്ങള് എല്ലാം പൂര്ത്തിയായതായി തെരഞ്ഞെടുപ്പ് കമ്മീഷന് അറിയിച്ചു. രാവിലെ ഏഴു മുതല് വൈകിട്ട് ആറു വരെയാണ് വോട്ടര്മാര്ക്ക് സമ്മതിദാന അവകാശം വിനിയോഗിക്കാനുള്ള സമയം. ഭിന്നശേഷി സൗഹൃദ, ഹരിത ബൂത്തുകളിലാണ് ഇത്തവണയും തെരഞ്ഞെടുപ്പ് നടക്കുന്നത്.
ചേലക്കര മണ്ഡലത്തില് ആറും വയനാട്ടില് 16 സ്ഥാനാര്ഥികളുമാണ് മത്സര രംഗത്തുള്ളത്. ചേലക്കരയില് ആകെ 2,13,103 വോട്ടര്മാരാണ് ഉള്ളത്. 180 പോളിങ് ബൂത്തുകളില് മൂന്ന് ഓക്സിലറി ബൂത്തുകളുണ്ട്. മണ്ഡലത്തില് 14 പ്രശ്നബാധിത ബൂത്തുകളാണുള്ളത്. വയനാട്ടില് ആകെ 14,71,742 വോട്ടര്മാരാണുള്ളത്. 30 ഓക്സിലറി ബൂത്തുകള് ഉള്പ്പെടെ ആകെ 1354 പോളിങ്ങ് സ്റ്റേഷനുകളാണ് സജ്ജമായിട്ടുള്ളത്. വയനാട്ടില് ആകെ 14,71,742 വോട്ടര്മാരാണുള്ളത്. 30 ഓക്സിലറി ബൂത്തുകള് ഉള്പ്പെടെ ആകെ 1354 പോളിങ്ങ് സ്റ്റേഷനുകളാണ് ഉപതെരഞ്ഞെടുപ്പിനായി ഒരുക്കിയിട്ടുള്ളത്. ജില്ലയില് രണ്ട് ബൂത്തുകളാണ് അതീവ സുരക്ഷാ പട്ടികയില് ഉള്പ്പെട്ടത്.
സുരക്ഷ ഉറപ്പാക്കുന്നതിനായി വെബ് കാസ്റ്റിങ് സംവിധാനം, വീഡിയോഗ്രാഫര്, പൊലീസ് എന്നിവ വിന്യസിച്ചിട്ടുണ്ട്. ബൂത്തുകളിലെത്തുന്ന ഓരോ വോട്ടറും വോട്ട് ചെയ്യാനെത്തുന്നതും, രേഖപ്പെടുത്തിയതിന് ശേഷം പുറത്തിറങ്ങുന്നതും ഉള്പ്പടെയുളള മുഴുവന് ദൃശ്യങ്ങളും ചിത്രീകരിക്കും. ഇരു മണ്ഡലത്തിലെ മുഴുവന് പോളിങ് ബൂത്തുകളും ക്യാമറ നിരീക്ഷണത്തിലാണ്.
വോട്ടെടുപ്പ് പ്രക്രിയ തുടങ്ങുന്നത് മുതല് പൂര്ത്തിയാകുന്നത് വരെ വോട്ട് ചെയ്യല് ഒഴികെയുള്ള മുഴുവന് നടപടികളും പ്രത്യേക കണ്ട്രോള് റൂമില് തത്സമയം നിരീക്ഷിക്കാന് കഴിയും. കള്ളവോട്ട് ഉള്പ്പെടെയുള്ള അനിഷ്ട സംഭവങ്ങള് ഒഴിവാക്കാനും സുതാര്യവും നീതിപൂര്വ്വവുമായ തെരഞ്ഞെടുപ്പ് ഉറപ്പാക്കുന്നതിനും വേണ്ടിയാണിത്. കള്ളവോട്ടും ആള്മാറാട്ടവും തടയാന് പ്രത്യേക ആപ്പുകള് ഉപയോഗിച്ചുള്ള നിരീക്ഷണവും നടക്കും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
