യുക്രൈനെതിരായ ആക്രമണത്തിന് റഷ്യ തുടക്കമിട്ടതോടെ പ്രതികരിച്ച് ഇന്ത്യ. വന്പ്രതിസന്ധിയിലേക്കാണ് നീങ്ങുന്നത്. യുക്രൈന്- റഷ്യ യുദ്ധ വിഷയം ശ്രദ്ധയോടെ കൈകാര്യം ചെയ്യണമെന്ന് ഇന്ത്യ. യുക്രൈനിലെ നിലവിലെ സാഹചര്യങ്ങള് നിരീക്ഷിക്കുകയാണെന്ന് ഇന്ത്യന് വിദേശകാര്യ മന്ത്രാലയം അറിയിച്ചു. അപകടകരമായ സാഹചര്യമെന്ന്, നയതന്ത്ര തലത്തില് പ്രശ്നത്തിന് പരിഹാരം കാണണമെന്നും ഇന്ത്യ ആവശ്യപ്പെട്ടു. യുദ്ധം സംബന്ധിച്ച നിലപാട് സുരക്ഷാ സമിതിയെ അറിയിക്കുമെന്നും ഇന്ത്യ വ്യക്തമാക്കി. വിദ്യാര്ഥികള് ഉള്പ്പെടെയുള്ള ഇന്ത്യക്കാരെ തിരികെ എത്തിക്കാനുള്ള നടപടികള് ഊര്ജിതമാക്കും. യുക്രൈനില് നിന്നുള്ള പ്രത്യേക വിമാനം ഇന്ത്യയിലെത്തി.
ഇതിനിടെ, യുഎന് രക്ഷാസമിതി അടിയന്തര യോഗം ചേര്ന്നു. സൈനിക നടപടികള് നിര്ത്തിവയ്ക്കണമെന്ന് യുഎന് സെക്രട്ടറി ജനറല് പുടിനോട് ആവശ്യപ്പെട്ടു. ഐക്യരാഷ്ട്ര സഭ പ്രത്യേക യോഗം ചേരും. അതേസമയം റഷ്യന് ആക്രമണ സാധ്യത നിലനില്ക്കെ രാജ്യത്ത് അടിയന്തരാവസ്ഥ പ്രഖ്യാപിച്ചിരിക്കുകയാണ് യുക്രൈന്.
റഷ്യയുടെ ആക്രമണമുണ്ടായാല് നേരിടാനും പ്രതിരോധിക്കാനും തയ്യാറാണെന്ന് യുക്രൈന് അറിയിച്ചു. നടപടികള്ക്കെതിരെ റഷ്യയ്ക്ക് മേല് സാമ്പത്തിക ഉപരോധം പ്രഖ്യാപിച്ച് കൂടുതല് രാജ്യങ്ങള് രംഗത്തെത്തി. രാജ്യത്ത് ഒരുമാസത്തെ അടിയന്തരാവസ്ഥ പ്രഖ്യാപിക്കാനാണ് ദേശീയ സുരക്ഷാ സമിതി നിര്ദേശം നല്കിയത്. കിഴക്കന് യുക്രൈന് മേഖലയിലെ വ്യോമാര്തിര്ത്തി റഷ്യ അടച്ചാതായാണ് റിപ്പോര്ട്ട്.
