HIGHLIGHTS : A tree caught fire on the roadside in Parappanangadi
പരപ്പനങ്ങാടി: താനൂര് റോഡില് പൂരപ്പുഴ പാലത്തിനു സമീപം റോഡരികിലെ വന് ചീനിമരം കത്തി നശിച്ചു .ഞായറാഴ്ച ഉച്ചയോടെ മരത്തിനു തീ കത്തുന്ന വിവരം നാട്ടുകാര് വിളിച്ചറിയിച്ചതിനെ തുടര്ന്ന് താനൂരില് നിന്നും എത്തിയ ഫയര് ഫോഴ്സ് സംഘം തീ കെടുത്തുകയായിരുന്നു .
ഈയിടെ പണി പൂര്ത്തീകരിച്ച പൂരപ്പുഴ ചെറമംഗലം റോഡിന്റെ നവീകരണത്തിന്റെ ഭാഗമായി മുറിച്ചു കൂട്ടിയ മരത്തിന്റെ വേരുകള്ക്കിടയില് കത്തിച്ച സിഗരറ്റ് കുറ്റി എറിഞ്ഞതാകാം തീ പിടുത്തതിന് കാരണമെന്നു അനുമാനിക്കുന്നതായി സ്റ്റേഷന് ഓഫീസര് രാജേന്ദ്ര നാഥ് പറഞ്ഞു .
കഴിഞ്ഞ ഫെബ്രുവരി 26 നാണു താനൂരില് ഫയര് ഫോഴ്സ് ആരംഭിച്ചത് .ഇതിനോടകം പത്തോളം കേസുകളാണ് താനൂരില് ലഭിച്ചിട്ടുള്ളത് .
തീ അണക്കുന്നതിനു സ്റ്റേഷന് ഓഫീസര്ക്ക് പുറമെ ഗ്രേഡ് എ എസ് ടി ഒ പി അബ്ദുല് സലിം എഫ് ആര് ഒ (ഡ്രൈവര് )ഇ സജീര് എഫ് ആര് ഒ അന്വര് സാദിഖ് ,വിമല്കുമാര് തുടങ്ങിയവര് തുടങ്ങിയവര് നേതൃത്വം നല്കി .പരപ്പനങ്ങാടി പോലീസ് സ്ഥലത്തെത്തി .