മൂന്നാര്:അടിമാലി മാങ്കുളം ആനക്കുളത്തിന് സമീപം വിനോദസഞ്ചാരികള് സഞ്ചരിച്ച വാഹനം മറിഞ്ഞ് മൂന്നുപേര് മരിച്ചു. മൂന്ന് വയസുള്ള കുട്ടി ഉള്പ്പടെ മൂന്ന് തിരുനെല്വേലി സ്വദേശികളാണ് മരിച്ചത്. നിരവധി പേര്ക്ക് പരിക്കേറ്റു. തമിഴ്നാട്ടില് നിന്ന് വിനോദസഞ്ചാരത്തിനെത്തിയ വാഹനമാണ് അപകടത്തില്പ്പെട്ടത്.
തിരുനെല്വേലിയിലെ പ്രഷര്കുക്കര് കമ്പനിയിലെ ജീവനക്കാര് കുടുംബസമേതം മൂന്നാര് സന്ദര്ശിച്ച് മടങ്ങുകയായിരുന്നു. അഞ്ച് മണിയോടെയാണ് അപകടം. വളവ് തിരിയുമ്പോള് വണ്ടി കൊക്കയിലേക്ക് മറിയുകയായിരുന്നു. നാട്ടുകാര് എത്തിയാണ് ആദ്യം രക്ഷാപ്രവര്ത്തനം നടത്തിയത്.
ഉടന് തന്നെ പരിക്കേറ്റ മൂന്ന് പേരെ അടിമാലി ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. 14 പേര് വാഹനത്തിലുണ്ടായിരുന്നതായാണ് സൂചന. പരിക്കേറ്റവരെ മുഴുവന് വാഹനത്തില് നിന്ന് മാറ്റിയിട്ടുണ്ട്. ട്രാവലര് 30 അടി താഴ്ചയിലേക്ക് മറിയുകയായിരുന്നു. പരുക്കേറ്റവരില് നിരവധി പേരുടെ നിലഗുരുതരമാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
