തിരുവനന്തപുരം; മുൻ മുഖ്യമന്ത്രി ഉമ്മൻചാണ്ടിയുടെ നിര്യാണത്തെ തുടർന്ന് അദ്ദേഹത്തോടുള്ള ആദരസൂചകമായി സംസ്ഥാനത്ത് ഇന്ന് സർക്കാർ പൊതു അവധി പ്രഖ്യാപിച്ചു .
രണ്ടു ദിവസം ഔദ്യോഗിക ദുഖാചരണം നടത്തും.
മൃതദേഹം ഇന്ന് തിരുവനന്തപുരത്ത് എത്തിക്കും . സംസ്കാരം കോട്ടയം പുതുപ്പള്ളിയിൽ വച്ച് നടക്കും .
ബെംഗളൂരുവില് ചിന്മയ ആശുപത്രിയില് ചികിത്സയിലിരിക്കെയായിരുന്നു അന്ത്യം. ക്യാന്സര് ബാധിതനായിരുന്നു. പുലര്ച്ചെ നാലരയോടെയാണ് മരണം സ്ഥിരീകരിച്ചത്. മകന് ചാണ്ടി ഉമ്മനാണ് മരണ വിവരം അറിയിച്ചത്.
കേരളത്തിന്റെ രാഷ്ട്രീയ ചരിത്രത്തില് മായാത്ത മുദ്രപതിപ്പിച്ച രാഷ്ട്രീയനേതാവും സാമാജികനുമായിരുന്നു. കേരളത്തില് ഏറ്റവും കൂടുതല് ദിവസം നിയമസഭാ സാമാജികനായിരുന്നതും ഉമ്മന് ചാണ്ടിയാണ് .
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
