തൃശ്ശൂര്: മുള്ളൂര്ക്കര വാഴക്കോട് ക്വാറിയില് സ്ഫോടനം. സ്ഫോടക വസ്തു പൊട്ടിതെറിച്ചാണ് അപകടമുണ്ടായത്. അപകടത്തില് ഒരാള് മരിച്ചു. അഞ്ച് പേര്ക്ക് പരുക്കേറ്റു. ഇതില് നാല് പേരുടെ നില ഗുരുതരാവസ്ഥയിലാണ്.
പരുക്കേറ്റവരെ തൃശ്ശൂര് മെഡിക്കല് കോളജ് ആശുപത്രിയിലേക്ക് മാറ്റിയിട്ടുണ്ട്. പരുക്കേറ്റവരില് ഒരാള് ബംഗാള് സ്വദേശിയാണെന്ന റിപ്പോര്ട്ടും പുറത്ത് വന്നിട്ടുണ്ട്. സ്ഫോടനത്തിന്റെ ആഘാതത്തില് സമീപത്തെ വീടുകള്ക്കും കേടുപാടുകള് സംഭവിച്ചിട്ടുണ്ട്.
ഒന്നര വര്ഷമായി പൂട്ടി കിടക്കുന്ന കോറിയിലാണ് അപകടം നടന്നത്. മുള്ളൂര്ക്കര പഞ്ചായത്ത് മുന് പ്രസിഡന്റ് സലാമിന്റേതാണ് ക്വാറി.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
