മലപ്പുറം: താനൂര് തൂവല് തീരത്ത് 22 പേര് മരിച്ച ബോട്ട് അപകടം നടന്ന സ്ഥലത്ത് ഇന്നും ദേശീയ ദുരന്ത നിവാരണ സേന തെരച്ചില് നടത്തുന്നു. പൂരപ്പുഴയുടെ അഴിമുഖത്തണ് തെരച്ചില് നടത്തുന്നത്. ജില്ലാ ഭരണകൂടത്തിന്റെ നിര്ദ്ദേശപ്രകാരമാണിത്. ആരെയും കണ്ടെത്താന് ഉള്ളതായി സ്ഥിരീകരണം ഇല്ലെങ്കിലും ഇന്ന് കൂടി തെരച്ചില് തുടരാനാണ് തീരുമാനം. എത്രപേര് ബോട്ടില് കയറിയെന്ന കൃത്യമായ കണക്ക് കിട്ടാത്തതാണ് പ്രതിസന്ധി. സംഭവവുമായി ബന്ധപ്പെട്ട് ആരെയും കാണാനില്ലായെന്ന പരാതി നിലവില് ഇല്ല. മറ്റു സംസ്ഥാനങ്ങളില് നിന്നുള്ളവരോ നാട്ടുകാര്ക്കു പരിചയമില്ലാത്ത ആളുകളോ ബോട്ടിലുണ്ടായിരിക്കാനുള്ള സാധ്യത കൂടി പരിഗണിച്ചാണ് ഇന്നും രാവിലെ തിരച്ചില് പുനരാരംഭിച്ചത്. ഇന്നലെ വൈകീട്ടോടെ 15 അംഗ ദേശീയ ദുരന്ത നിവാരണ സേന യൂണിറ്റ് കൂടി ദൗത്യ സംഘത്തിന് ഒപ്പം ചേര്ന്നിരുന്നു. നേവിയും രണ്ടു തവണയായി തെരച്ചിലിന് എത്തിയിരുന്നു.
താനൂര് ഡിവൈഎസ്പി വി വി ബെന്നിയുടെ നേതൃത്വത്തില് 14 അംഗ പ്രത്യേക അന്വേഷണ സംഘമാണ് കേസ് അന്വേഷിക്കുന്നത്. തുറമുഖം വകുപ്പ് ഉദ്യോഗസ്ഥര് ഇന്ന് സ്ഥലത്തെത്തും.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
