HIGHLIGHTS : Supreme Court orders freeze on agricultural laws; Criticism of the Center
ദില്ലി: കാര്ഷിക നിയമങ്ങള് മരവിപ്പിക്കണമെന്ന് കേന്ദ്രത്തോട് സുപ്രീംകോടതി. നിയമഭേദഗതി തല്ക്കാലം നടപ്പാക്കാതിരിക്കാന് ശ്രമിക്കണമെന്ന് കോടതി പറഞ്ഞു.ബില് കൊണ്ടുവരുമ്പോള് എന്ത് കൂടിയാലോചനയാണ് കേന്ദ്രം നടത്തിയതെന്നും സുപ്രീംകോടതി ചോദിച്ചു. കര്ഷക സമരം കൈകാര്യം ചെയ്യുന്ന രീതിയില് കോടതി അതൃപ്തി രേഖപ്പെടുത്തി. കാര്ഷിക നിയമങ്ങളുമായിബന്ധപ്പെട്ട ഹര്ജികള് പരിഗണിക്കവെയാണ് സുപ്രീംകോടതി കേന്ദ്രസര്ക്കാരിനെതിരെ രൂക്ഷ വിമര്ശനം ഉന്നയിച്ചത്.
കര്ഷകരുടെ ആശങ്ക പരിഹരിക്കാന് വിദഗ്ധ സമിതിയെ നിയോഗിക്കാമെന്ന നിര്ദേശം കോടതി ആവര്ത്തിച്ചു. കാര്ഷിക നിയമം ഈരീതിയില് നടപ്പാക്കണമോയെന്ന് ചോദിച്ച കോടതി നിരവധി സംസ്ഥാനങ്ങള് നിയമത്തിനെതിരെ എതിര്പ്പ് അറിയിച്ചതായി ഓര്മ്മിപ്പിക്കുകയും ചെയ്തു. എന്നാല്കര്ഷകരുമായിചര്ച്ച തുടരുകയാണെന്നും എല്ലാ കര്ഷകരും നിയമത്തിന് എതിരല്ലെന്നുമായിരുന്നു കേന്ദ്രസര്ക്കാറിന്റെ മറുപടി.
ഒരുമാസത്തിലേറെയായി കര്ഷകര് നിയമത്തിനെതിരെ സമരം തുടരുകയാണ്. കര്ഷകരും കേന്ദ്രസര്ക്കാരും തമ്മില് വെള്ളിയാഴ്ചയാണ് അടുത്ത ചര്ച്ച നടത്താന് തീരുമാനിച്ചിരിക്കുന്നത്.കര്ഷകരും കേന്ദ്ര സര്ക്കാരും തമ്മില് നടത്തിയ ഏഴുവട്ട ചര്ച്ചകളും പരാജയപ്പെട്ടിരുന്നു.