ഈ വര്ഷത്തെ സപ്ലൈകോ ഓണം ഫെയറുകളുടെ സംസ്ഥാനതല ഉദ്ഘാടനം ഇന്ന് വൈകിട്ട് 5 മണിക്ക് തിരുവനന്തപുരം കിഴക്കേകോട്ട ഇ.കെ.നായനാര് പാര്ക്കില് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ഭക്ഷ്യ-പൊതുവിതരണ മന്ത്രി ജി.ആര് അനിലിന്റെ അധ്യക്ഷതയില് നടക്കുന്ന ചടങ്ങില് പൊതുവിദ്യാഭ്യാസ തൊഴില് വകുപ്പുമന്ത്രി വി. ശിവന്കുട്ടി ആദ്യവില്പ്പന നടത്തും. സെപ്റ്റംബര് 5 മുതല് 14 വരെയാണ് ഓണം ഫെയര്. ജില്ലാതല ഫെയറുകള് സെപ്റ്റംബര് 6 മുതല് 14 വരെ ജില്ലാ ആസ്ഥാനങ്ങളില് പ്രത്യേക സൗകര്യങ്ങളോടെ നടക്കും.
13 ഇനം സബ്സിഡി സാധനങ്ങള്ക്കു പുറമെ ശബരി ഉല്പ്പന്നങ്ങള്, മറ്റ് എഫ്.എം.സി.ജി ഉല്പ്പന്നങ്ങള്, മില്മ ഉല്പ്പന്നങ്ങള്, കൈത്തറി ഉല്പ്പന്നങ്ങള്, പഴം ജൈവപച്ചക്കറികള് എന്നിവ മേളയില് 10 മുതല് 50 ശതമാനം വരെ വിലക്കുറവില് ലഭിക്കും. ഇതിനു പുറമെ പ്രമുഖ ബ്രാന്റുകളുടെ 200ല് അധികം നിത്യോപയോഗ സാധനങ്ങള്ക്ക് വലിയ വിലക്കുറവുണ്ട്. 255 രൂപയുടെ 6 ശബരി ഉല്പ്പന്നങ്ങള് 189 രൂപയ്ക്ക് നല്കുന്ന ശബരി സിഗ്നേച്ചര് കിറ്റ് ഈ ഓണത്തിന് വിപണിയില് ലഭിക്കും. ഓണം ഫെയറുകളിലും സപ്ലൈകോ സൂപ്പര്മാര്ക്കറ്റുകളിലും വിവിധ ബ്രാന്റുല്പ്പന്നങ്ങള്ക്ക് നിലവില് നല്കിവരുന്ന വിലക്കുറവിന് പുറമെ 10 ശതമാനം വരെ അധിക വിലക്കുറവ് നല്കുന്ന ഡീപ് ഡിസ്കൗണ്ട് അവേഴ്സ്, പ്രമുഖ ബ്രാന്റഡ് ഉല്പ്പന്നങ്ങള്ക്ക് ആകര്ഷമായ കോമ്പോ ഓഫറുകള്, ബൈ വണ് ഗെറ്റ് വണ് ഓഫര് എന്നിവയും ലഭിക്കും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
