തിരുവനന്തപുരം: സംസ്ഥാനത്ത് എസ്എസ്എല്സി, രണ്ടാ വര്ഷ ഹയര്സെക്കന്ഡറി പരീക്ഷകള്ക്ക് ഇന്ന് തുടക്കം. 4,27,021 കുട്ടികളാണ് ഇത്തവണ എസ്എസ്എല്സി എഴുതുന്നത്.
ആകെ 2980 കേന്ദ്രങ്ങളിലായാണ് ഇന്ന് കുട്ടികള് എസ്എസ്എല്സി പരീക്ഷയെഴുതുന്നത്. കേരളത്തിന് പുറത്ത് ലക്ഷദ്വീപില് 9 കേന്ദ്രങ്ങളും ഗള്ഫില് ഏഴ് കേന്ദ്രങ്ങളും ഒരുക്കിയിട്ടുണ്ട്. ഇത്തവണ ഗള്ഫ് മേഖലയില് 682 കുട്ടികളും, ലക്ഷദ്വീപ് മേഖലയില് 447 കുട്ടികളും പരീക്ഷ എഴുതുന്നുണ്ട്. മലപ്പുറം വിദ്യാഭ്യാസ ജില്ലയിലാണ് ഏറ്റവും കൂടുതല് കുട്ടികള് പരീക്ഷ എഴുതുന്നത്- 28,358. ഏറ്റവും കുറവ് കുട്ടികള് കുട്ടനാട് വിദ്യാഭ്യാസ ജില്ലയിലാണ്- 1,893.
രാവിലെ 9.30ക്കാണ് എസ്എസ്എല്സി പരീക്ഷ. 1.30ക്കാണ് രണ്ടാം വര്ഷ ഹയര്സെക്കണ്ടറി പരീക്ഷ. എസ്എസ്എല്സി, പ്ലസ് ടു പരീക്ഷകള് 26ന് അവസാനിക്കും. 444693 വിദ്യാര്ത്ഥികള് പ്ലസ്ടു പരീക്ഷയ്ക്കിരിക്കും. ആറാം തീയതി ഒന്നാം വര്ഷ പരീക്ഷകള് തുടങ്ങും. 29ന് അവസാനിക്കും.
ഏപ്രില് മൂന്നിന് കേന്ദ്രീകൃത മൂല്യനിര്ണ്ണയ ക്യാമ്പുകളിലായി എസ്എസ്എല്സി, ഹയര്സെക്കണ്ടറി മൂല്യനിര്ണയം തുടങ്ങും. സുഗമമമായ പരീക്ഷ നടത്തിപ്പിനും, ചോദ്യപേപ്പറുകളും, ഉത്തരക്കടലാസുകളും സുരക്ഷിതമായി സൂക്ഷിക്കുന്നതിനും സംവിധാനം ഒരുക്കിയിട്ടുണ്ടെന്ന് വിദ്യാഭ്യാസ വകുപ്പ് അറിയിച്ചിട്ടുണ്ട്. പരീക്ഷയെഴുതുന്ന വിദ്യാര്ഥികള്ക്ക് മന്ത്രി വി.ശിവന്കുട്ടി വിജയാശംസകള് നേര്ന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
