ഹരിദ്വാറിലെ മന്സ ദേവി ക്ഷേത്രത്തില് ഞായറാഴ്ച ഉണ്ടായ തിക്കിലും തിരക്കിലും ആറ് പേര് കൊല്ലപ്പെടുകയും 25 ലധികം പേര്ക്ക് പരിക്കേല്ക്കുകയും ചെയ്തു.
സംഭവം സ്ഥിരീകരിച്ചുകൊണ്ട്, ഗര്വാള് ഡിവിഷന് കമ്മീഷണര് വിനയ് ശങ്കര് പാണ്ഡെ പറയുന്നത് ‘ഹരിദ്വാറിലെ മന്സ ദേവി ക്ഷേത്രത്തില് വന് ജനക്കൂട്ടം തടിച്ചുകൂടിയതിനെത്തുടര്ന്നുണ്ടായ തിക്കിലും തിരക്കിലും ആറ് പേര് മരിച്ചു. ഞാന് സ്ഥലത്തേക്ക് പോകുന്നു. സംഭവത്തിന്റെ വിശദമായ റിപ്പോര്ട്ട് കാത്തിരിക്കുന്നു’ വെന്നുമാണ്.
ഭക്തരുടെ തിരക്കിനിടയിലാണ് സംഭവം നടന്നത്, ഇത് കുഴപ്പങ്ങള്ക്കും പരിഭ്രാന്തിക്കും കാരണമായതായി റിപ്പോര്ട്ടുണ്ട്. തിക്കിലും തിരക്കിലും പെട്ട് മരിച്ചവരെ തിരിച്ചറിയുന്നതിനും പരിശോധനകള് പുരോഗതിക്കുന്നതായി അധികൃതര് വ്യക്തമാക്കിയതായും ദേശീയമാധ്യമങ്ങള് റിപ്പോര്ട്ട് ചെയ്യുന്നു.
ദുരന്തത്തില് മുഖ്യമന്ത്രി പുഷ്കര് സിംഗ് ധാമി. ‘ഹരിദ്വാറിലെ മന്സ ദേവി ക്ഷേത്രത്തില് തിക്കിലും തിരക്കിലും പെട്ടെന്നുണ്ടായ വാര്ത്ത അങ്ങേയറ്റം ദുഃഖകരമാണ്. എസ്ഡിആര്എഫ്, ലോക്കല് പോലീസ്, മറ്റ് രക്ഷാപ്രവര്ത്തകര് എന്നിവര് സ്ഥലത്തുണ്ട്, ദുരിതാശ്വാസ, രക്ഷാപ്രവര്ത്തനങ്ങളില് ഏര്പ്പെട്ടിട്ടുണ്ട്,’ ധാമി എക്സില് പോസ്റ്റ് ചെയ്തു.
ഹിന്ദു ആചാരവിശ്വാസ പ്രകാരം പുണ്യമാസമായി കണക്കാക്കുന്ന സാവന് മാസമായതിനാലാണ് ക്ഷേത്രത്തില് തിരക്കേറിയതെന്ന് അധികൃതര് പറയുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
