HIGHLIGHTS : തിരുവനന്തപുരം : ഗായകന് എം.എസ് നസീം അന്തരിച്ചു.തിരുവനന്തപുരത്തെ സ്വകാര്യ ആശുപത്രിയില് വച്ചായിരുന്നു അന്ത്യം. പക്ഷാഘാതത്തെ തുടര്ന്ന് ഏറെക്കാലമായി ...
തിരുവനന്തപുരം : ഗായകന് എം.എസ് നസീം അന്തരിച്ചു.തിരുവനന്തപുരത്തെ സ്വകാര്യ ആശുപത്രിയില് വച്ചായിരുന്നു അന്ത്യം. പക്ഷാഘാതത്തെ തുടര്ന്ന് ഏറെക്കാലമായി ചികിത്സയിലായിരുന്നു.
നാടകങ്ങളിലും സ്റ്റേജ് ഷോകളിലും പാടി ശ്രദ്ധേയനായിരുന്നു. മൂവായിരത്തിലേറെ ഗാനമേളകളാണ് അദ്ദേഹം ഇന്ത്യയിലും പുറത്തുമായി അവതരിപ്പിച്ചത്. ആകാശവാണിയിലേയും ദൂരദര്ശനിലേയും സജീവ സാന്നിധ്യമായിരുന്നു.1990 ല് ഇറങ്ങിയ ‘അനന്തവൃത്താന്തം’ എന്ന സിനിമയില് ഗാനം ആലപിച്ചു.
നിരവധി ഡോക്യുമെന്ററികള് സംവിധാനം ചെയ്ത അദ്ദേഹത്തിന്റെ ‘മിഴാവ്’ എന്ന ചിത്രത്തിന് ദേശീയ പുരസ്കാരം ലഭിച്ചു. 1997ല് മികച്ച ഗായകനുള്ള സംഗീത നാടക അക്കാദമി പുരസ്കാരം, സംസ്ഥാന സര്ക്കാരിന്റെ ടി.വി അവാര്ഡ് നാലുതവണ, 2001ല് കുവൈത്തിലെ സ്മൃതി എ.എം രാജ പുരസ്കാരം തുടങ്ങി നിരവധി പുരസ്കാരങ്ങളും അംഗീകാരങ്ങളും അദ്ദേഹം നേടി.