പരപ്പനങ്ങാടി പട്ടാപകല് ക്ഷേത്രങ്ങളില് മോഷണം. പരപ്പനങ്ങാടി നെടുവ മൂകാംബിക ക്ഷേത്രത്തിന്റെയും നെടുവയിലുള്ള അയ്യപ്പന്കാവ് ക്ഷേത്രത്തിന്റെയും പുജാകര്മ്മങ്ങള്ക്കുപയോഗിക്കുന്ന പാത്രങ്ങളടക്കമുള്ള സാധനങ്ങളാണ് മോഷണം പോയിരിക്കുന്നത് ഇവ സൂക്ഷിച്ചിരിന്ന നിലവറ കുത്തിത്തുറന്നാണ് മോഷണം നടത്തിയിരിക്കുന്നത്.
അമ്പലത്തിലെ കഴകക്കാരന് താമസിച്ചിരുന്ന കോവിലകം വീട്ടിന്റെ ഒരു മുറിയിലായിരുന്നു ഈ ക്ഷേത്രസാമഗ്രികള് സൂക്ഷിച്ചിരുന്നത്. ശനിയാഴച് വൈകീട്ട്അഞ്ച് മണിക്ക് ഇയാളും കുടുംബവും ക്ഷേത്രത്തില് പോയി ഏഴരമണിയോടെ തിരിച്ചെത്തിയപ്പോഴാണ് മോഷണവിവരം അറിഞ്ഞത്.
35 ഓട്ടുവിളക്ക്, രണ്ട്സെറ്റ് തട്ടുവിളക്ക് 4 തട്ട് തൂക്ക് വിളക്ക്, രണ്ട് കിണ്ടി എന്നിവയാണ് മോഷണം പോയിരിക്കുന്നത്. ആറു ലക്ഷം രൂപയുടെ നഷ്ടം കണക്കാക്കുന്നുണ്ട്. പരപ്പനങ്ങാടി പോലീസ് അന്വേഷണം ആരംഭിച്ചിട്ടുണ്ട്.
