HIGHLIGHTS : Rahul Mangkootatil remanded in three-day SIT custody
പീഡനക്കേസില് അറസ്റ്റിലായ രാഹുല് മാങ്കൂട്ടത്തില് എംഎല്എയെ മൂന്ന് ദിവസത്തെ എസ്ഐടി കസ്റ്റഡിയില് വിട്ട് തിരുവല്ല കോടതി. 15 വൈകിട്ട് കോടതിയില് ഹാജരാക്കണം. 16ന് ജാമ്യാപേക്ഷ പരിഗണിക്കും. കേസ് രാഷ്ട്രീയപ്രേരിതം എന്നാണ് രാഹുലിന്റെ അഭിഭാഷകര് കോടതിയെ അറിയിച്ചത്. അറസ്റ്റ് ചട്ടവിരുദ്ധമാണെന്നും രാഹുലിന്റെ അഭിഭാഷകര് വാദിച്ചു.
രാഹുലിലനെ പാലക്കാട് എത്തിച്ച് തെളിവെടുക്കും.
ഇന്നലെ കേസ് പരിഗണിച്ചപ്പോള് പ്രതിഭാഗം ജാമ്യാപേക്ഷ പരിഗണിക്കണമെന്ന് ആവശ്യപ്പെട്ടിരുന്നു. എന്നാല്, പൊലീസ് റിപ്പോര്ട്ട് കിട്ടിയശേഷം ജാമ്യാപേക്ഷ പരിഗണിക്കാമെന്നായിരുന്നു കോടതിയുടെ മറുപടി. കൃത്യം നടന്ന ഹോട്ടലിലും രാഹുലിന്റെ ഡിജിറ്റല് ഡിവൈസുകളില് നിന്നും തെളിവുകള് ശേഖരിക്കാനാണ് അന്വേഷണ സംഘത്തിന്റെ നീക്കം. കഴിഞ്ഞ ഞായറാഴ്ച ആറുമണിക്കൂറിലധികം ചോദ്യം ചെയ്തെങ്കിലും രാഹുല് പൂര്ണമായി സഹകരിച്ചിരുന്നില്ല. പ്രതിഷേധ സാധ്യത കണക്കിലെടുത്ത് കോടതിയില് കൂടുതല് പൊലീസുകാരെയാണ് വിന്യാസിപ്പിച്ചിരിക്കുന്നത്.
