മുംബൈ: കോണ്ഗ്രസ് നേതാവ് രാഹുല് ഗാന്ധിയുടെ അയോഗ്യത തുടരും. അപകീര്ത്തി കേസിലെ സൂറത്ത് ചീഫ് ജുഡീഷ്യല് മജിസ്ട്രേട്ട് കോടതിയുടെ വിധിയില് ഗുജറാത്ത് ഹൈക്കോടതി ഇടക്കാല സ്റ്റേ അനുവദിച്ചില്ല. രാഹുല് ഗാന്ധി നല്കിയ അപ്പീല് വേനലവധിക്ക് ശേഷം വിധി പറയാന് മാറ്റി.
ജസ്റ്റിസ് ഹേമന്ദ് പ്രചക് ആണ് കേസില് വാദം കേട്ടത്. ആരോപിക്കപ്പെടുന്ന കുറ്റം അതീവ ഗുരുതരമല്ലെന്നും സ്റ്റേ നല്കുന്നതില് കടുംപിടുത്തം പാടില്ലെന്നുമാണ് രാഹുലിനായി ഹാജരായ മനു അഭിഷേക് സിംഗ്വി ആവശ്യപ്പെട്ടത്.
ഏപ്രില് 20ന് അപകീര്ത്തി കേസില് രണ്ടു വര്ഷത്തെ തടവുശിക്ഷ വിധിച്ച സൂറത്ത് മജിസ്ട്രേറ്റ് കോടതി ഉത്തരവിനെതിരെ രാഹുല് ഗാന്ധി നല്കിയ അപ്പീല് സുറത്ത് സെഷന്സ് കോടതി തള്ളിയിരുന്നു. തുടര്ന്നാണ് രാഹുല് ഗുജറാത്ത് ഹൈക്കോടതിയെ സമീപിച്ചത്.
2019 ലോക്സഭ തിരഞ്ഞെടുപ്പ് പ്രചാരണത്തിനിടെ ‘എല്ലാ കള്ളന്മാരുടെയും പേരിനൊപ്പം എങ്ങനെയാണ് മോദി വന്നത്’ എന്നായിരുന്നു രാഹുല് ഗാന്ധിയുടെ പരാമര്ശം. കര്ണാടകയിലെ കോലാറില് നടന്ന റാലിയിലായിരുന്നു രാഹുലിന്റെ ഈ വാക്കുകള്. ഈ കേസിലാണ് മാര്ച്ച് 23-ാം തീയതി ചീഫ് ജുഡീഷ്യല് മജിസ്ട്രേറ്റ് രാഹുല് ഗാന്ധി കുറ്റക്കാരനാണെന്ന് കണ്ടെത്തിയത്. ശിക്ഷാവിധിക്ക് പിന്നാലെ രാഹുലിന്റെ ലോക്സഭാംഗത്വവും റദ്ദാക്കിയിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
