റേഡിയോ ജോക്കി രാജേഷ് (34)വധത്തിക്കേസില് പ്രതികള്ക്ക് ജീവപര്യന്തം. രണ്ടാം പ്രതി മുഹമ്മദ് സ്വാലിഹ്, മൂന്നാം പ്രതി അപ്പുണ്ണി എന്നിവര്ക്കാണ് ശിക്ഷ വിധിച്ചത്. ആയുധം ഉപയോഗിച്ചതിന് പത്ത് വര്ഷം കഠിന തടവിന് വിധിച്ചിട്ടുണ്ട്. ഇത് കൂടാതെയാണ് ജീവപര്യന്തം. 2 ലക്ഷം രൂപ പിഴയും വിധിച്ചു. തിരുവനന്തപുരം അഡീഷണനല് സെഷന്സ് കോടതിയാണ് ശിക്ഷവിധിച്ചത്.
2018 മാര്ച്ച് 27ന് മടവൂര് ജംഗ്ഷനിലുള്ള റെക്കോഡിംഗ് സ്റ്റുഡിയോയില് വച്ചാണ് രാജേഷ് കൊല്ലപ്പെട്ടത്. ഓച്ചിറ സ്വദേശിയും ഖത്തറിലെ വ്യവസായിയുമായ സത്താറിന്റെ മുന് ഭാര്യയും നൃത്താധ്യാപികയുമായ യുവതിയുമായി രാജേഷിനുണ്ടായിരുന്ന അടുപ്പമാണ് കൊലപാതകത്തിലേക്കു നയിച്ചത്. വിശ്വസ്തനായ അലിബായ് എന്ന മുഹമ്മദ് സാലിഹിനു സത്താര് വിദേശത്തു വെച്ച് ക്വട്ടേഷന് നല്കുകയായിരുന്നു. അബ്ദുല് സാലിഹും, കായംകുളത്തെ ക്വട്ടേഷന് സംഘതലവന് അപ്പുണ്ണിയും ചേര്ന്ന് നടത്തിയ കൊലപാതകമെന്നായിരുന്നു കേസ്.
പതിനൊന്നു പ്രതികളെ പൊലീസ് അറസ്റ്റ് ചെയ്തു. കേസിലെ രണ്ടാം പ്രതിയായ മുഹമ്മദ് സാലിഹ് മൂന്നാം പ്രതി അപ്പുണ്ണി എന്നിവര് കുറ്റക്കാരെന്നാണ് കോടതി കണ്ടെത്തിയത്. മറ്റു ഒന്പതു പ്രതികളെയും വെറുതെ വിട്ടു. വിദേശത്തു തുടരുന്ന കേസിലെ ഒന്നാം പ്രതി സത്താറിനെ ഇത് വരെയും അറസ്റ്റ് ചെയ്യാന് കഴിഞ്ഞിട്ടില്ല. പ്രോസിക്യൂട്ടര് മാറിയതിനെ തുടര്ന്നു വീണ്ടും വിചാരണ നടത്തിയതും, മുഖ്യ സാക്ഷി കുട്ടന് മൊഴി മാറ്റിയതും വലിയ തിരിച്ചടിയായിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
