മലപ്പുറം :പി.വി.അന്വര് എം.എല്.എയുടെ രാഷ്ട്രീയ വിശദീകരണ യോഗത്തില് വന് ജനാവലി. വിവിധ രാഷ്ട്രീയ പാര്ട്ടികളില് നിന്നായി വന് ജനാവലിയാണ് നിലമ്പൂരിലെ ചന്തക്കുന്നിലെത്തിയത്. സിപിഎം പ്രവര്ത്തകരും ലീഗ് പ്രവര്ത്തകരും കോണ്ഗ്രസ് പ്രവര്ത്തകരും സമ്മേളനത്തിയവരിലുണ്ട്. ചന്തക്കുന്നില് നിന്നും വന് ജനാവലിക്കൊപ്പം പ്രകടനമായാണ് അന്വര് യോഗ സ്ഥലത്തേക്ക് എത്തിയത്.
പുതിയ പാര്ട്ടിയുണ്ടാക്കാന് താന് ഇല്ലെന്ന് പി വി അന്വര് എംഎല്എ. ജനം പാര്ട്ടിയായാല് പിന്നിലുണ്ടാകുമെന്നും നിലമ്പൂരിലെ രാഷ്ട്രീയ വിശദീകരണ യോഗത്തില് അദ്ദേഹം പറഞ്ഞു. എന്നെ എംഎല്എ ആക്കിയവരാണ് ഈ നാട്ടിലെ മഹാഭൂരിപക്ഷം സഖാക്കളും. രാപ്പകലില്ലാതെ അധ്വാനിച്ചവരാണ്. അവരെ മറക്കാനാകില്ല. നിങ്ങള് കാല് വെട്ടാന് വന്നാലും ആ കാല് നിങ്ങള് കൊണ്ടുപോയാലും ഞാന് വീല് ചെയറില് വരും. അതുകൊണ്ടൊന്നും പിന്തിരിയുമെന്ന് ആരും കരുതണ്ട, വെടിവെച്ചു കൊല്ലേണ്ടി വരും. അല്ലെങ്കില് ജയിലിലില് അടക്കേണ്ടി വരും.
പലതും വരുന്നുണ്ടല്ലോ. ഞാന് ഏതായാലും ഒരുങ്ങി നില്ക്കുകയാണെന്നും അന്വര് പറഞ്ഞു എന്തും നേരിടാന് തയ്യാറാണ്. എന്തുകൊണ്ട് മനുഷ്യര് തിരിഞ്ഞു നിന്നു. വടകരയില് ടീച്ചര് തോറ്റത് പാര്ട്ടി പരിശോധിച്ചോ. അത് പരിശോധിക്കണമെന്നായിരുന്നു പാര്ട്ടിക്ക് കത്ത് കൊടുത്തത്. ശബരിമല വിഷയത്തിലും പാര്ട്ടിക്ക് കത്തു കൊടുത്തു. ഒരു ഹൈന്ദവ സഹോദരിയും ശബരിമലയില് കയറാന് തയ്യാറല്ല. പിന്നെ ആര്ക്കു വേണ്ടിയാണ്. എന്തുകൊണ്ടാണ് ഈ പരാജയം എന്ന് പരിശോധിക്കണം.
സിപിഐ പറഞ്ഞത് തന്നെയല്ലേ ഞാനും പറഞ്ഞിട്ടുള്ളൂ മാമി കൊലപാതകത്തില് അജിത് കുമാര് നേരിട്ട് ഇടപെട്ടിട്ടുണ്ടോ എന്ന് അന്വേഷിച്ചാല് തെളിയും. മാമിയുമായി ഇടപാട് ഉള്ളവരെയെല്ലാം സ്വകാര്യമായി ചോദ്യം ചെയ്യാന് വിളിപ്പിക്കുകയാണ്. വിളിച്ചുവരുത്തിയവരെ അന്വേഷണ ഉദ്യോഗസ്ഥന് വിരട്ടും. മാനക്കേട് ഭയന്ന് എങ്ങനെയെങ്കിലും ഒഴിവാക്കണമെന്ന് ഇവര് പറയും. അഞ്ചും പത്തും അമ്പത് ലക്ഷം വരെ കൊടുത്തവരുണ്ട്. ഈ വിഷയത്തില് ഞാന് ഇടപെട്ടപ്പോഴാണ് അത് നിന്നത്. മാമിയുടെ കാര്യം എന്തായെന്ന് നാളെ കോഴിക്കോട് വിശദീകരിക്കുന്നുമെന്നും പി വി അന്വര് പറഞ്ഞു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
