ഈ മാസം 22 മുതല് അനിശ്ചിതകാല സമരം ആരംഭിക്കുമെന്ന് സ്വകാര്യ ബസ്സു ഉടമ സംയുക്ത സമിതി. ഈ മാസം എട്ടിന് സൂചന സമരം ഉണ്ടാകും. 140 കിലോമീറ്ററില് അധികം ബസ്സുകളുടെ പെര്മിറ്റുകള് പുതുക്കി നല്കുക, ദീര്ഘദൂര ബസ്സുകളുടെ പെര്മിറ്റുകള് പുതുക്കി നല്കുക, വിദ്യാര്ത്ഥികളുടെ യാത്രാനിരക്ക് കാലോചിതമായി വര്ദ്ധിപ്പിക്കുക, ബസ് ജീവനക്കാര്ക്ക് പോലീസ് ക്ലിയറന്സ് സര്ട്ടിഫിക്കറ്റ് വേണമെന്ന നടപടി പിന്വലിക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം.
സ്വകാര്യ ബസ്സു ഉടമ സംയുക്ത സമിതിയാണ് സമരം പ്രഖ്യാപിച്ചിരിക്കുന്നത്. ഇ ചെലാന് വഴി അമിത പിഴച്ചുമത്തുന്നത് അവസാനിപ്പിക്കുക, വിലപിടിപ്പുള്ള ഇലക്ട്രോണിക് ഉപകരണങ്ങള് അടിച്ചേല്പ്പിക്കുന്ന നടപടി അവസാനിപ്പിക്കുക എന്നി ആവശ്യങ്ങളും ഇതിനോടൊപ്പം ഉന്നയിക്കുന്നു.
സംയുക്ത സമിതി ചെയര്മാന് ഹംസ എരിക്കുന്നന്, ജനറല് കണ്വീനര് ടി. ഗോപിനാഥന്, വൈസ് ചെയര്മാന് ഗോകുലം ഗോകുല്ദാസ്, ഫെഡറേഷന് പ്രസിഡന്റ് കെ.കെ. തോമസ്, ട്രഷറര് എം.എസ്. പ്രേംകുമാര്, ഓര്ഗനൈസേഷന് സംസ്ഥാന വൈസ് പ്രസിഡന്റ് വി.എസ്. പ്രദീപ്, ബസ് ട്രാന്സ്പോര്ട്ട് അസോസിയേഷന് സംസ്ഥാന വൈസ് പ്രസിഡന്റ് കെ.ബി. സുരേഷ്, ബസ് ട്രാന്സ്പോര്ട്ട് അസോസിയേഷന് സംസ്ഥാന ട്രഷറര് മുജീബ് റഹ്മാന്, മോട്ടോര് ട്രാന്സ്പോര്ട്ട് അസോസിയേഷന് സംസ്ഥാന പ്രസിഡന്റ് ജോസ് ആട്ടോക്കാരന് തുടങ്ങിയവര് പങ്കെടുത്തു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
