ആലപ്പുഴ: മാന്നാറില് 15 വര്ഷം മുന്പ് കാണാതായ ശ്രീകല എന്ന കലയെ കൊലപ്പെടുത്തിയ കേസില് കലയുടെ ഭര്ത്താവ് അനിലാണ് ഒന്നാം പ്രതി. പെരുമ്പുഴ പാലത്തില് വച്ച് അനിലും രണ്ടും മൂന്നും നാലും പ്രതികളും ചേര്ന്ന് കലയെ കൊലപ്പെടുത്തിയെന്നാണ് കേസ്. ശേഷം മാരുതി കാറില് മൃതദേഹം കൊണ്ടുപോയി മറവ് ചെയ്തു. പിന്നീട് തെളിവെല്ലാം പ്രതികള് നശിപ്പിച്ചു. 2009 ലാണ് സംഭവം നടന്നത്. ജിനു, സോമന്, പ്രമോദ് എന്നിവര് യഥാക്രമം 2,3,4 പ്രതികളായ കേസില് എല്ലാവര്ക്കുമെതിരെ കൊലക്കുറ്റം ചുമത്തി. എന്നാല് പ്രതികള് എങ്ങനെയാണ് കലയെ കൊലപ്പെടുത്തിയതെന്നോ എവിടെയാണ് മറവ് ചെയ്തതെന്നോ എഫ്ഐആറില് പറയുന്നില്ല.
പതിനഞ്ച് വര്ഷം മുന്പുള്ള തിരോധാന കേസിലാണ് ഇപ്പോള് സത്യം മറനീക്കി പുറത്തുവരുന്നത്. 2008-2009 കാലത്താണ് ശ്രീകലയെ കാണാതായത്. അന്ന് ശ്രീകലയുടെ കുടുംബം പരാതിയൊന്നും നല്കിയിരുന്നില്ല. അതുകൊണ്ട് തന്നെ തിരോധാനം അന്വേഷിക്കപ്പെട്ടില്ല.
വര്ഷങ്ങള്ക്കിപ്പുറം ഒരു ഊമക്കത്തിലൂടെ പൊലീസിന് ചില വിവരങ്ങള് കിട്ടിയതോടെയാണ് അന്വേഷണത്തില് വഴിത്തിരിവുണ്ടായത്. അനിലിന്റെ സുഹൃത്തുക്കളെയും ബന്ധുക്കളെയും കസ്റ്റഡിയിലെടുത്ത പൊലീസ് മൃതദേഹം കുഴിച്ചിട്ടെന്ന സംശയത്തില് മാന്നാറിലെ വീടിന്റെ സെപ്റ്റിക് ടാങ്ക് തുറന്ന് പരിശോധിച്ചു. മൃതദേഹത്തിന്റെ അവശിഷ്ടങ്ങളെന്ന് സംശയിക്കുന്ന തരത്തിലുള്ള ചില വസ്തുക്കള് സെപ്റ്റിക് ടാങ്കില് നിന്നും കിട്ടി. ശാസ്ത്രീയ പരിശോധനകള്ക്ക് ശേഷം മാത്രമേ കേസില് കൂടുതല് കാര്യങ്ങള് വ്യക്തമാവുകയുള്ളൂവെന്ന് പൊലീസ് അറിയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
