HIGHLIGHTS : Plus One 2nd Allotment Result Published
പ്ലസ്സ് വണ് പ്രവേശനത്തിന്റെ മെറിറ്റ് ക്വാട്ടയുടെ മുഖ്യഘട്ടത്തിലെ രണ്ടാമത്തെ അലോട്ട്മെന്റ് ഫലം പ്രസിദ്ധീകരിച്ചു. പ്രവേശനം ജൂണ് 26 ന് രാവിലെ 10 മണി മുതല് ജൂണ് 21 വൈകിട്ട് 5 വരെ നടക്കും. അലോട്ട്മെന്റ് വിവരങ്ങള് അഡ്മിഷന് വെബ്സൈറ്റായ www.hscap.kerala.gov.in ലെ Candidate Login-SWS ലെ Second Allot Results എന്ന ലിങ്കിലൂടെ ലഭിക്കും. അലോട്ട്മെന്റ് ലഭിച്ചവര് കാന്ഡിഡേറ്റ് ലോഗിനിലെ Second Allot Results എന്ന ലിങ്കില് നിന്നും ലഭിക്കുന്ന അലോട്ട്മെന്റ് ലെറ്ററില് പ്രതിപാദിച്ചിരിക്കുന്ന അലോട്ട്മെന്റ് ലഭിച്ച സ്കൂളില് രക്ഷകര്ത്താവിനോടൊപ്പം പ്രവേശനത്തിനായി ആവശ്യമുള്ള സര്ട്ടിഫിക്കറ്റുകളുടെ അസ്സല് സഹിതം ഹാജരാകണം. വിദ്യാര്ഥികള്ക്ക് പ്രവേശനത്തിന് ആവശ്യമുള്ള അലോട്ട്മെന്റ് ലെറ്റര് അലോട്ട്മെന്റ് ലഭിച്ച സ്കൂളില് നിന്നും പ്രിന്റ് എടുത്ത് പ്രവേശന സമയത്ത് നല്കുന്നതാണ്. ഒന്നാം അലോട്ട്മെന്റില് താല്ക്കാലിക പ്രവേശനം നേടിയ വിദ്യാര്ഥികള്ക്ക് ഈ അലോട്ട്മെന്റില് ഉയര്ന്ന ഓപ്ഷനില് അലോട്ട്മെന്റ് ലഭിച്ചിട്ടില്ലെങ്കില് പുതിയ അലോട്ട്മെന്റ് ലെറ്റര് ആവശ്യമില്ല.
മെറിറ്റ് ക്വാട്ടയില് ഒന്നാം ഓപ്ഷനില് അലോട്ട്മെന്റ് ലഭിക്കുന്നവര് ഫീസടച്ച് സ്ഥിരപ്രവേശനം നേടണം. അലോട്ട്മെന്റ് ലെറ്ററില് രേഖപ്പെടുത്തിയ ഫീസ് മാത്രമെ അടക്കേണ്ടതുള്ളു. താഴ്ന്ന ഓപ്ഷനില് അലോട്ട്മെന്റ് ലഭിക്കുന്നവര്ക്ക് താല്ക്കാലിക പ്രവേശനമോ സ്ഥിരപ്രവേശനമോ നേടാം. അലോട്ട്മെന്റ് ലഭിച്ചിട്ടും പ്രവേശനം നേടാതിരിക്കുന്ന വിദ്യാര്ഥികളെ തുടര്ന്നുള്ള അലോട്ട്മെന്റുകളില് പരിഗണിക്കില്ല. വിദ്യാര്ഥികള്ക്ക് തങ്ങള് അപേക്ഷിച്ച ഓരോ സ്കൂളിലേയും കാറ്റഗറി തിരിച്ചുള്ള അവസാന റാങ്ക് വിവരങ്ങള് പരിശോധിക്കാവുന്നതാണ്. അലോട്ട്മെന്റ് ലഭിച്ച വിദ്യാര്ഥികളെല്ലാം രക്ഷകര്ത്താക്കളോടൊപ്പം ജൂണ് 27 ന് വൈകിട്ട് 5 മണിക്ക് മുന്പായി തന്നെ സ്കൂളുകളില് പ്രവേശനത്തിന് ഹാജരാകണം.
രണ്ടാം അലോട്ട്മെന്റിനോടൊപ്പം കമ്മ്യൂണിറ്റി ക്വാട്ട പ്രവേശനം നടക്കുന്നതിനാല് വിവിധ ക്വാട്ടകളില് പ്രവേശനത്തിന് അര്ഹത നേടുന്ന വിദ്യാര്ഥികള് ഏറ്റവും അനുയോജ്യമായ ക്വാട്ടയിലെ പ്രവേശനം തെരഞ്ഞെടുക്കണം. പ്രവേശന നടപടികള് ഒരേ കാലയളവില് നടക്കുന്നതിനാല് ഏതെങ്കിലും ഒരു ക്വാട്ടയില് പ്രവേശനം നേടിയാല് മറ്റൊരു ക്വാട്ടയിലേക്ക് പ്രവേശനം മാറ്റാന് സാധിക്കില്ല.
ഇതുവരെ അപേക്ഷിക്കാന് കഴിയാത്തവര്ക്ക് മൂന്നാമത്തെ അലോട്ട്മെന്റിനു ശേഷം സപ്ലിമെന്ററി അലോട്ട്മെന്റിനായി സമര്പ്പിക്കാം. മുഖ്യഘട്ടത്തില് തെറ്റായ വിവരങ്ങള് നല്കിയതു മൂലവും ഫൈനല് കണ്ഫര്മേഷന് നല്കാത്തതിനാലും അലോട്ട്മെന്റിന് പരിഗണിക്കാത്ത അപേക്ഷകര്ക്കും സപ്ലിമെന്ററി ഘട്ടത്തില് പുതിയ അപേക്ഷകള് നല്കാം. മുഖ്യഘട്ടത്തില് അപേക്ഷിച്ചിട്ടും അലോട്ട്മെന്റ് ലഭിക്കാത്തവര്ക്ക് സപ്ലിമെന്ററി അലോട്ട്മെന്റിനായി പ്രസിദ്ധീകരിക്കുന്ന ഒഴിവുകളിലേക്ക് പരിഗണിക്കുന്നതിന് അപേക്ഷ പുതുക്കി നല്കാം. സപ്ലിമെന്ററി അലോട്ട്മെന്റിനായുള്ള വേക്കന്സിയും നോട്ടിഫിക്കേഷനും മുഖ്യഘട്ട പ്രവേശന സമയ പരിധിക്കുശേഷം വെബ്സൈറ്റില് പ്രസിദ്ധീകരിക്കും.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു