മലപ്പുറം: ജില്ലയിലെ കോവിഡ് വാക്സിനേഷന് ശക്തിപ്പെടുത്തുന്നതിനായി 12 സ്ഥിരം മെഗാവാക്സിനേഷന് കേന്ദ്രങ്ങള് തുടങ്ങുന്നതായി ജില്ലാ മെഡിക്കല് ഓഫീസര് ഡോ: സക്കീന കെ അറിയിച്ചു. 18 വയസ്സ് കഴിഞ്ഞ എല്ലാവര്ക്കും ഈ കേന്ദ്രങ്ങളില് നിന്ന് വാക്സിന് സ്വീകരിക്കാന് സൗകര്യമുണ്ടായിരിക്കും. ഈ കേന്ദ്രങ്ങളില് 50 ശതമാനം ഓണ്ലൈന് രജിസ്ട്രേഷന് വഴിയും 50 ശതമാനം നേരിട്ടെത്തിയുള്ള സ്പോട്ട് രജിസ്ട്രേഷന് വഴിയുമാകും വാക്സിന് നല്കുക. നിലവില് കോവിഡ് വാക്സിനേഷന് നടന്ന് കൊണ്ടിരിക്കുന്ന 117 സര്ക്കാര് വാക്സിനേഷന് കേന്ദ്രങ്ങള്ക്കും മൂന്ന് സ്വകാര്യ ആശുപത്രികളുടെ വാക്സിനേഷന് കേന്ദ്രങ്ങള്ക്കു പുറമെയാണ് 12 പുതിയ സ്ഥിരം മെഗാ വാക്സിനേഷന് കേന്ദ്രങ്ങള് ജില്ലയില് സജ്ജീകരിച്ചിരിക്കുന്നത്. പുതിയ മഗാ വാക്സിനേഷന് കേന്ദ്രങ്ങളിലേക്ക് ആവശ്യമായ ജീവനക്കാരെ ജില്ലാ ആരോഗ്യ വകുപ്പ് നിയോഗിക്കും.
മലപ്പുറം കോട്ടപ്പടിയിലെ ഗവ. ഹയര് സെക്കന്ഡറി സ്കൂളിലാണ് ആദ്യ ഘട്ടത്തില് വ്യാഴാഴ്ച വാക്സിന് വിതരണമുണ്ടാകുക. 2,000 പേര്ക്കാണ് ആദ്യ ദിവസം വാക്സിന് നല്കുന്നത്. ഇതില് 1000 പേര്ക്ക് ഓന്ലൈന് രജിസ്ട്രേഷന് ചെയ്യുന്നതിനുള്ള സൗകര്യം ഉണ്ടായിരിക്കും. പൊതുജനങ്ങള് ഈ സൗകര്യം പരമാവധി ഉപയോഗപ്പെടുത്തണമെന്നും വാക്സിന് ലഭ്യതക്കനുസരിച്ച് കൂടുതല് സ്ഥലങ്ങളില് വാക്സിനേഷന് കേന്ദ്രങ്ങള് തുറക്കുമെന്നും ജില്ലാ മെഡിക്കല് ഓഫീസര് അറിയിച്ചു.
പുതിയ വാക്സിനേഷന് കേന്ദ്രങ്ങള് ചുവടെ,
ഗവ. ഹയര് സെക്കന്ററി സ്കൂള് കോട്ടപ്പടി, മലപ്പുറം
ടൗണ് ഹാള് മഞ്ചേരി
വാഗണ് ട്രാജഡി ഹാള് തിരൂര്
മേലങ്ങാടി ഹൈസ്ക്കൂള് കൊണ്ടോട്ടി
സി.വി ഓഡിറ്റോറിയം ഇന്ത്യനൂര്, കോട്ടക്കല്
വ്യാപാര ഭവന് നിലമ്പൂര്
മൂസക്കുട്ടി ബസ്സ്റ്റാന്ഡ് പെരിന്തല്മണ്ണ
സൂപ്പിക്കുട്ടി സ്കൂള് നെടുവ
ഷാദി മഹല് ഓഡിറ്റോറിയം പൊന്നാനി
പീവീസ് ഓഡിറ്റോറിയം താനൂര്
പി.എസ്.എം.ഒ കോളജ് തിരൂരങ്ങാടി
എ.എം.എല്.പി സ്കൂള് തൊഴുവാനൂര്, കാവുംപുറം
