ലാഹോര്: കോവിഡ് വ്യാപനത്തിന്റെ സാഹചര്യത്തില് ഓക്സിജന് വിതരണത്തില് വന്പ്രതിസന്ധിയാണ് ഇന്ത്യ നേരിടുന്നത്. കോവിഡ് രോഗികളെ രക്ഷിക്കാന് ഓക്സിജന് വിതരണത്തിന് സഹായം അഭ്യര്ത്ഥിച്ച് നിരവധി സന്ദേശങ്ങളാണ് ട്വിറ്ററില് നിറയുന്നത്. ഓക്സിജന് പ്രതിസന്ധിയില് ഇന്ത്യയെ സഹായിക്കാന് മുന്നോട്ട് വരണമെന്ന് പ്രധാനമന്ത്രി ഇമ്രാന് ഖാനോട് ട്വിറ്ററിലൂടെ അഭ്യര്ത്ഥിച്ചിരിക്കുകയാണ് പാക് ജനത.
#IndiaNeedsOxygen is trending in Pakistan where many people across the border are asking Pak PM @ImranKhanPTI to help India with oxygen supply.#COVID19 #Coronavirus #CoronavirusPandemic #SecondCOVIDWave pic.twitter.com/eGFvKMejll
— Geeta Mohan گیتا موہن गीता मोहन (@Geeta_Mohan) April 23, 2021
ട്വിറ്ററില് ഇന്തയനീഡ്ഓക്സിജന് എന്ന ങാഷ്ടാഗ് ട്രെന്ഡിംഗ് ആയിരിക്കുകയാണ്.
ഡല്ഹിയിലെ സര് ഗംഗാറാം ആശുപത്രിയില് ഓക്സിജന് ദൗര്ബല്യത്തെ തുടര്ന്ന് 25 കോവിഡ് രോഗികളാണ് മരിച്ചത്. 60 പേരുടെ നില ഗുരുതരമാണ്. ഡല്ഹിയിലെ ആശുപത്രികള് കഴിഞ്ഞ കുറച്ചു ദിവസങ്ങളായി ഓക്സിജന് പ്രതിസന്ധിയില് നട്ടം തിരിയുകയാണ്. രോഗികളെ മറ്റ് ആരോഗ്യ കേന്ദ്രത്തിലേക്ക് മാറ്റണമെന്ന് അധികൃതര് സര്ക്കാരിനോട് ആവശ്യപ്പെട്ടിരുന്നു. മറ്റ് സംസ്ഥാനങ്ങളിലും ഓക്സിജന്, കോവിഡ് മരുന്നുകള്, റെംഡിസിവര് എന്നിവയുടെ ദൗര്ലഭ്യമുണ്ടെന്ന് റിപ്പോര്ട്ട് ചെയ്തിട്ടുണ്ട്.
