തിരുവനന്തപുരം: കേരളത്തിലെ റെയില് മേല്പ്പാലങ്ങളുടെ/അടിപ്പാലങ്ങളുടെ നിര്മ്മാണത്തിനായി കേന്ദ്ര ഉപരിതല ഗതാഗത മന്ത്രാലയവും റെയില്വേ മന്ത്രാലയവും സംസ്ഥാന സര്ക്കാരും തമ്മില് ത്രികക്ഷി ധാരണ ഒപ്പിടാന് തീരുമാനിച്ചു.
സംസ്ഥാനത്ത് 428 ലെവല് ക്രോസുകളാണുള്ളത്. അതില് 143 എണ്ണത്തിലാണ് ഗതാഗതം കൂടുതല്. ഈ ലെവല് ക്രോസുകളുടെ എണ്ണം കുറച്ചു ഓവര് ബ്രിഡ്ജുകളും അണ്ടര് ബ്രിഡ്ജുകളും നിര്മ്മിക്കുന്നതിനാണ് ധാരണാപത്രം. ഇതിന്റെ ഭാഗമായി ഏറ്റെടുക്കേണ്ട മേല്പ്പാലങ്ങളുടെയും അടിപ്പാലങ്ങളുടെയും ലിസ്റ്റ് പൊതുമരാമത്ത് വകുപ്പ് തയ്യാറാക്കും.
ധാരണാപത്രം ഒപ്പിട്ട് ഒരു മാസത്തിനകം പട്ടിക കേന്ദ്ര ഉപരിതല ഗതാഗത വകുപ്പ് മന്ത്രാലയത്തിന് കൈമാറും.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
