കോഴിക്കോട്: കെഎം ഷാജി എംഎല്എയുടെ വീട് പൊളിച്ചുമാറ്റാന് നോട്ടീസ്. കോഴിക്കോട് കോര്പറേഷനാണ് നോട്ടീസ് നല്കിയിരിക്കുന്നത്. കെട്ടിട നിര്മ്മാണ ചട്ടം ലംഘിച്ചുവെന്ന കണ്ടെത്തലിനെ തുടര്ന്നാണ് നോട്ടീസ് നല്കിയിരിക്കുന്നത്. പ്ലാനിലെ അനുമതിയേക്കാള് വിസ്തീര്ണം കൂട്ടി വീട് നിര്മിച്ചതായി കോര്പ്പറേഷന് ഉദ്യോഗസ്ഥര് കണ്ടെത്തിയിരുന്നു.
ഇന്നലെയാണ് ഷാജിയുടെ വീട് ഉദ്യോഗസ്ഥര് അളന്നത്. എന്ഫോഴ്സ്മെന്റ് ഡയറക്ടറേറ്റ് നിര്ദേശ പ്രകരാമായിരുന്നു നടപടി. 3200 ചതുരശ്രയടിക്കാണ് കോര്പ്പറേഷനില് നിന്ന് അനുമതി എടുത്തത്. എന്നാല് 5500 ചതുരശ്രയടിയിലധികം വിസ്തീര്ണമുണ്ടെന്നാണ് അളവെടുപ്പില് വ്യക്തമായത്. എക്സിക്യുട്ടീവ് എന്ജിനിയര് രമേശ്കുമാറിന്റെ നേതൃത്വത്തിലുള്ള സംഘം മാണ് മാലൂര്കുന്നിനു സമീപത്തെ വീട് വ്യാഴാഴ്ച അളന്നത്. 27 ന് റിപ്പോര്ട്ട് സമര്പ്പിക്കും.
2013-14 കാലയളവില് കണ്ണൂര് അഴിക്കോട് ഹൈസ്ക്കൂളിന് ഹയര്സെക്കന്ഡറി അനുവദിക്കുന്നതിനായി കെഎം ഷാജി എംഎല്എ 25 ലക്ഷം രൂപ വാങ്ങിയെന്ന പരാതിയല് എന്ഫോഴ്സ്മെന്റ് ഡയറക്ടറേറ്റിന്റെ അന്വേഷണം പുരോഗമിക്കുന്നത്. കണ്ണൂര് ബ്ലോക്ക് പഞ്ചായത്ത് പ്രസിഡന്റ് പത്മനാഭനാണ് പരാതിക്കാരന്. പണം കൈമാറിയതായിപ്പറയുന്നവരും ചര്ച്ചകളില് പങ്കെടുത്തവരും ഇ ഡി യുടെ അന്വേഷണ പരിധിയിലുണ്ട്. ലീഗ് നേതൃത്വത്തിന്റെ അറിവോടെയെന്ന ആരോപണം അന്വേഷിക്കാന് നേതാക്കളുടെയും മൊഴിയെടുക്കും.
അതെസമയം താന് പണം വാങ്ങിയിട്ടില്ലെന്നും രാഷ്ട്രീയ ലക്ഷ്യം വെച്ചുള്ള അന്വേഷണമാണ് നടക്കുന്നതെന്നുമാണ് കെഎം ഷാജിയുടെ പ്രതികരണം.
