കൊച്ചി: ഇന്ത്യന് നാവികസേനയ്ക്ക് പുതിയ പതാക. വെള്ളിയാഴ്ച്ച ഐ.എന്.എസ്. വിക്രാന്ത് രാജ്യത്തിന് സമര്പ്പിക്കുന്ന വേളയില് പ്രധാനമന്ത്രി നരേന്ദ്രമോദി പുതിയ പതാക പ്രകാശനം ചെയ്യും. നിലവില് സെന്റ് ജോര്ജ് ക്രോസിന്റെ ഒരറ്റത്ത് ത്രിവര്ണ പതാക പതിപ്പിച്ചതാണ് നാവികസേനയുടെ പതാക.
രാജ്യത്തിന് സ്വാതന്ത്ര്യം ലഭിച്ചതിനുശേഷം ഇത് നാലാംതവണയാണ് നാവികസേനയുടെ പതാകയ്ക്ക് മാറ്റം വരുത്തുന്നത്. ഒരുപക്ഷേ നാവികസേനാ പതാകയുടെ അവസാനത്തെ പരിഷ്കാക്കാരമാകും ഇതെന്നാണ് റിപ്പോര്ട്ടുകള്. വെള്ളപതാകയില് നെറുകയും കുറുകയും ചുവന്ന വരയും ഈ വരകള് കൂട്ടിമുട്ടുന്നിടത്ത് ദേശീയചിഹ്നമായ അശോകസ്തംഭവും, ഇടത് വശത്ത് മുകളിലായി ദേശീയപതാകയുമാണ് നിലവിലെ പതാക. ചുവന്ന വരികള് സെന്റ് ജോര്ജ് ക്രോസെന്നാണ് അറിയപ്പെടുക.
നാവികസേനയുടെ പതാകയിലെ ബ്രീട്ടീഷ് ഭരണക്കാലവുമായുള്ള ബന്ധം പൂര്ണ്ണമായും അവസാനിപ്പിച്ച് അവസാന കൊളോണിയല് ചിഹ്നത്തിനാണ് അവസാനമാകുന്നത്.
