കേരളത്തില് കാലവര്ഷം ശക്തമായി തുടരുന്ന സാഹചര്യത്തില് അടുത്ത അഞ്ച് ദിവസത്തേക്ക് വിവിധ ജില്ലകളില് കേന്ദ്ര കാലാവസ്ഥാ വകുപ്പ് റെഡ്, ഓറഞ്ച് അലര്ട്ടുകള് പ്രഖ്യാപിച്ചു. അതിതീവ്ര മഴ മലവെള്ളപ്പാച്ചില്, മിന്നല് പ്രളയം, ഉരുള്പൊട്ടല്, നഗരങ്ങളിലെ വെള്ളക്കെട്ട് തുടങ്ങിയ അപകടങ്ങള്ക്ക് കാരണമായേക്കുമെന്ന മുന്നറിയിപ്പിനാല് പൊതുജനങ്ങള് അതീവ ജാഗ്രത പാലിക്കണം.
24 മണിക്കൂറില് 204.4 മില്ലിമീറ്ററില് കൂടുതല് മഴ പ്രതീക്ഷിക്കുന്നതിനെ തുടര്ന്ന് റെഡ് അലര്ട്ട് പ്രഖ്യാപിച്ച ജില്ലകളില് ജൂണ് 14ന് കണ്ണൂരും കാസറഗോഡും, ജൂണ് 15ന് മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ് എന്നിവയും, ജൂണ് 16 ന് മലപ്പുറം, കോഴിക്കോട്, വയനാട് എന്നിവയും, ജൂണ് 17 ന് മലപ്പുറം, കോഴിക്കോട് എന്നിവയും ഉള്പ്പെടുന്നു.
24 മണിക്കൂറില് 115.6 മുതല് 204.4 മില്ലിമീറ്റര് വരെ മഴ ലഭിക്കാന് സാധ്യതയുള്ള ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ജൂണ് 13ന് കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ് എന്നീ ജില്ലകളും, 14 ജൂണ് ന് പത്തനംതിട്ട, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് എന്നിവയും, ജൂണ്15 ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട് എന്നിവയും, ജൂണ് 16 ന് പത്തനംതിട്ട, കോട്ടയം, ഇടുക്കി, എറണാകുളം, തൃശൂര്, പാലക്കാട്, കണ്ണൂര്, കാസറഗോഡ് എന്നിവയും, ജൂണ് 17 ന് പത്തനംതിട്ട, കോട്ടയം, ഇടുക്കി, എറണാകുളം, തൃശൂര്, പാലക്കാട്, വയനാട്, കണ്ണൂര്, കാസറഗോഡ് എന്നിവയും ഓറഞ്ച് അലര്ട്ടിന് കീഴിലാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
