HIGHLIGHTS : Malaikottai Valibhan: Mohanlal-Lijo Jose Pallissery's first title poster is out
മലയാളക്കര ഒന്നാകെ ആഘോഷിച്ച മോഹൻലാൽ ലിജോ ജോസ് ചിത്രത്തിന്റെ ആദ്യ ടൈറ്റിൽ പോസ്റ്ററിതാ.ഈ നിമിഷത്തിൽ പറഞ്ഞറിയിക്കാനാകാത്ത സന്തോഷവും അതോടൊപ്പം കൗതുകവും ഞങ്ങൾക്കുണ്ട്.സിനിമയുടെ വെള്ളി വെളിച്ചത്തിലേക്കുള്ള ആദ്യ കാൽവെയ്പ് തന്നെ ഏറ്റെടുത്തതിൽ മനസു നിറഞ്ഞ നന്ദിയും സ്നേഹവും രേഖപ്പെടുത്തുന്നു.
പ്രതിഭയും പ്രതിഭാസവും ഒന്നാകുന്ന നല്ല നാളെയുടെ,കാത്തിരിപ്പിന്റെ തുടക്കമായി ഞങ്ങളിതിനെ കാണുന്നു. ഒരു രാത്രി കൊണ്ടോ ഒരാഴ്ച കൊണ്ടോ കനവിൽ നെയ്യുന്ന സ്വപ്നമല്ല സിനിമ.ദിവസങ്ങളുടെ ചിലപ്പോൾ വർഷങ്ങളുടെ ശ്രമഫലമാണ് നമ്മളീ കാണുന്ന സിനിമ.പ്രതിഭയും പ്രതിഭാസവും ഒന്നാകുമ്പോൾ പ്രേക്ഷകരുടെ പ്രതീക്ഷയുടെ ഭാരം എത്രത്തോളമുണ്ടെന്ന പൂർണ ബോധ്യത്തിൽ ഞങ്ങളിവിടെ തുടക്കം കുറിക്കുകയാണ്.
അണിയറയിൽ തകൃതിയായി വേണ്ട ചേരുവകൾ കൂട്ടിയും കുറച്ചും പാകമാക്കി കൊണ്ടിരിക്കുന്നു.മലയാളത്തിന്റെ നടന വൈഭവം മോഹൻലാലും ഓസ്കാർ വേദിയിൽ മലയാള സിനിമയെ എത്തിച്ച ലിജോ ജോസ് പല്ലിശ്ശേരിയും കൈ കോർക്കുമ്പോൾ എന്ത് അത്ഭുതമാണ് സംഭവിക്കാൻ പോകുന്നതെന്ന കൗതുകം എല്ലാവരെയും പോലെ തന്നെ ഞങ്ങൾക്കുമുണ്ട്.
ഇന്ത്യൻ സിനിമയുടെ പ്രതിബിംബമായി മാറിയ ഈ രണ്ടു പ്രതിഭകളുടെ കൂടെ തുടക്കമിട്ടതിൽ ഏറെ അഭിമാനം.ജോൺ ആൻഡ് മേരി ക്രീയേറ്റീവ്സ് ലിമിറ്റഡിനൊപ്പം മാക്സ് ലാബ് സിനിമാസ്,സെഞ്ച്വറി ഫിലിംസ് എന്നിവരും ഈ യാത്രയിൽ ഒന്നിച്ചുണ്ട്.നല്ല സിനിമകൾ എന്നും ചരിത്രത്തിന്റെ ഭാഗമാണെന്ന ബോധ്യത്തിൽ ഞങ്ങളിതാ യാത്ര തുടരുകയാണ്. പി ആർ ഓ പ്രതീഷ് ശേഖർ.
മലബാറി ന്യൂസ് ഓണ്‍ലൈന്‍ വാര്‍ത്തകള്‍ വാട്‌സ്ആപ്പ് ഗ്രൂപ്പുകളിലും ലഭിക്കും. വാട്‌സ്ആപ്പ് ഗ്രൂപ്പില്‍ അംഗമാവാന്‍ ഇവിടെ ക്ലിക്ക് ചെയ്യു
