മലപ്പുറം:കോവിഡ് 19 പ്രതിരോധത്തിന്റെ ഭാഗമായി പ്രഖ്യാപിച്ച നിരോധനാജ്ഞ ലംഘിച്ചതിന് ജില്ലയില് പൊലീസ് 66 കേസുകള് കൂടി ഇന്ന് (ഏപ്രില് 19) രജിസ്റ്റര് ചെയ്തു. വിവിധ സ്റ്റേഷനുകളിലായി 109 പേരെ ഇന്നലെ അറസ്റ്റു ചെയ്തതായി ജില്ലാ പൊലീസ് മേധാവി യു. അബ്ദുള് കരീം അറിയിച്ചു.
നിര്ദേശങ്ങള് ലംഘിച്ച് നിരത്തിലിറക്കിയ 51 വാഹനങ്ങളും പിടിച്ചെടുത്തിട്ടുണ്ട്. ഇതോടെ നിരോധനാജ്ഞ ലംഘിച്ചതിന് പൊലീസ് രജിസ്റ്റര് ചെയ്ത കേസുകളുടെ എണ്ണം 1,919 ആയി. 2,537 പേരെയാണ് ഇതുവരെ അറസ്റ്റു ചെയ്തത്.
ജില്ലയിലാകെ ഇതുവരെ 926 വാഹനങ്ങളും പിടിച്ചെടുത്തിട്ടുണ്ട്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
