HIGHLIGHTS : Major fire breaks out in Ottakkal, Kollam
കൊല്ലം തെന്മല ഒറ്റക്കലിൽ വൻ തീപിടിത്തം. കൊല്ലം തിരുമംഗലം ദേശീയപാതയോരത്ത് സ്ഥിതി ചെയ്യുന്ന ലാർക്കിന് സമീപമാണ് തീ പിടുത്തം ഉണ്ടായത്. ഫയർഫോഴ്സ് എത്തി തീ അണയ്ക്കാൻ ശ്രമം തുടരുന്നു. തീപിടിത്തത്തിന്റെ കാരണം വ്യക്തമല്ല.
പുക ഉയരുന്നത് കണ്ട് സംശയം തോന്നിയ നാട്ടുകാരാണ് ഫയർഫോഴ്സിനെ അറിയിച്ചത്. കൊട്ടാരക്കരയിൽ നിന്നും പത്തനാപുരത്ത് നിന്നും ഫയർഫോഴ്സ് സംഘം സ്ഥലത്തേക്ക് എത്തിയിട്ടുണ്ട്. വലിയ കാറ്റും തീപിടിത്തം വ്യാപിക്കുന്നതിന് കാരണമാകും. തീ കൂടുതൽ സ്ഥലങ്ങളിലേക്ക് വ്യാപിക്കാതിരിക്കാനുള്ള ശ്രമങ്ങൾ തുടരുകയാണ്.
സംരക്ഷിത വന പ്രദേശമാണ് സമീപം. കഴിഞ്ഞ വർഷം ഇതേ ഭാഗത്ത് തീപിടിത്തം ഉണ്ടായപ്പോൾ രണ്ട് ദിവസം എടുത്താണ് തീ നിയന്ത്രണവിധേയമാക്കിയത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
