HIGHLIGHTS : Luxury ship drug case; Aryan Khan Clean Chit
മുംബൈ: ആഡംബര കപ്പലിലെ ലഹരി മരുന്ന് കേസില് ബോളിവുഡ് താരം ഷാരൂഖ് ഖാന്റെ മകന് ആര്യന് ഖാന് ക്ലീന് ചീറ്റ്. ആര്യന് ഖാന് ക്ലീന് ചിറ്റ് നല്കി കൊണ്ടുള്ള കുറ്റപത്രം നാര്കോട്ടിക്സ് കണ്ട്രോള് ബ്യൂറോ(എന്.സി.ബി.) കോടതിയില് സമര്പ്പിച്ചു. 14 പ്രതികളുള്ള കേസില് 6 പേരെ തെളിവുകളുടെ അഭാവത്തില് കേസില് നിന്ന് ഒഴിവാക്കി. ആര്യന് ഖാന് ഉള്പ്പെടെ ആറു പേര്ക്കെതിരെ തെളിവില്ലെന്ന് നാര്കോട്ടിക്സ് കണ്ട്രോള് ബ്യൂറോ കോടതിയില് സമര്പ്പിച്ച കുറ്റപത്രത്തില് പറയുന്നു.
ഒക്ടോബര് മൂന്നിനായിരുന്നു നാര്ക്കോട്ടിക്സ് കണ്ട്രോള് ബ്യൂറോ ആര്യന് ഖാന് ഉള്പ്പടെയുള്ളവരെ അറസ്റ്റ് ചെയ്തത്. മുംബൈ തീരത്ത് കോര്ഡേലിയ ഇംപ്രസ എന്ന ആഡംബര കപ്പലില് ലഹരിപ്പാര്ട്ടി നടക്കവേ ആയിരുന്നു അറസ്റ്റ്. തുടര്ന്ന് മുംബൈയിലെ ആര്തര് റോഡ് ജയിലിലേക്ക് മാറ്റിയ ആര്യന് ഖാന് ഒക്ടോബര് 28നാണ് ബോംബെ ഹൈക്കോടതി ജാമ്യം അനുവദിച്ചത്. നടി ജൂഹി ചൗള ആര്യന് ആള് ജാമ്യം നിന്നത്.
രാജ്യം വിട്ടു പോകരുത്, പാസ്പോര്ട്ട് കോടതിയില് കെട്ടിവെക്കണം, വെള്ളിയാഴ്ച അന്വേഷണ സംഘത്തിന് മുന്നില് ഹാജരാകണം തുടങ്ങിയ 14 ഉപാധികളോടെയാണ് ബോംബെ ഹൈക്കോടതി ആര്യന് അടക്കമുള്ള മൂന്ന് പ്രതികള്ക്കും ജാമ്യം അനുവദിച്ചത്.