തദ്ദേശ തെരഞ്ഞെടുപ്പില് രണ്ടാംഘട്ട വോട്ടെടുപ്പ് ആരംഭിച്ചു . തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളാണ് ഇന്ന് വിധിയെഴുതുന്നത്. രാവിലെ ഏഴ് മുതല് വൈകിട്ട് ആറ് മണിവരെയാണ് വോട്ടെടുപ്പ്. തെരഞ്ഞെടുപ്പ് സാമഗ്രികളുടെ വിതരണം ഇന്നലെ ഉച്ചയോടെ പൂര്ത്തിയായി.
1,53,37,176 കോടി വോട്ടര്മാരാണ് ഏഴ് ജില്ലകളില് വിധിയെഴുതുന്നത്. ഇതില് 80.92 ലക്ഷം പേര് സ്ത്രീകളും 72.47 ലക്ഷം പേര് പുരുഷന്മാരുമാണ്. 470 പഞ്ചായത്തുകളിലെ 9,027 വാര്ഡിലേക്കും 77 ബ്ലോക്ക് പഞ്ചായത്തുകളിലെ 1,177 ഡിവിഷനിലേക്കും ഏഴ് ജില്ലാപഞ്ചായത്തുകളിലെ 182 ഡിവിഷനിലേക്കുമാണ് വോട്ടെടുപ്പ്. തൃശൂര്, കോഴിക്കോട്, കണ്ണൂര് കോര്പറേഷനുകളിലായി 188 ഡിവിഷനിലെയും 47 മുനിസിപ്പാലിറ്റിയിലെ 1,834 ഡിവിഷനിലേക്കും വോട്ടെടുപ്പ് നടക്കും. മലപ്പുറം മൂത്തേടം ഗ്രാമപ്പഞ്ചായത്ത് പായിംപാടത്ത് സ്ഥാനാര്ഥി മരിച്ചതിനാല് വാര്ഡ് തിരഞ്ഞെടുപ്പില്ല.
38,994 സ്ഥാനാര്ത്ഥികളാണ് ജനവിധി തേടുന്നത്. ഇതില് 18,974 പേര് പുരുഷന്മാരും 20,020 പേര് സ്ത്രീകളുമാണ്.
പ്രശ്ന ബാധിത ബൂത്തുകളില് സുരക്ഷാക്രമീകരണങ്ങള് ശക്തമാക്കി കര്ശന സുരക്ഷയാണ് പൊലീസ് ഒരുക്കുന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
