തദ്ദേശ തെരഞ്ഞെടുപ്പിന്റെ അവസാനഘട്ട വോട്ടെടുപ്പ് ആരംഭിച്ചു. മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് ഇന്ന് വോട്ടെടുപ്പ് .രാവിലെ ആറുമണിയോടെ തന്നെ പോളിംഗ് ബൂത്തുകളില് മോക് പോളിംഗ് നടത്തി വോട്ടിംഗ് മെഷീനുകളുടെ സുരക്ഷ ഉറപ്പുവരുത്തിയിരുന്നു. രാവിലെ ഏഴുമണിക്ക് ആരംഭിക്കുന്ന വോട്ടെടുപ്പ് വൈകിട്ട് ആറ് മണിക്ക് അവസാനിക്കും.
354 തദ്ദേശ സ്ഥാപനങ്ങളിലെ 6867 വാര്ഡുകളിലേക്കാണ് തെരഞ്ഞെടുപ്പ് നടക്കുന്നത്. 22151 സ്ഥാനാര്ത്ഥികളാണ് നാല് ജില്ലകളില് നിന്നായി ജനവിധി തേടുന്നത് . ആകെ 8974993 വോട്ടര്മാര് . 10,842 പോളിംഗ് ബൂത്തുകളാണ് മൂന്നാം ഘട്ടത്തിലേക്കായി സജ്ജീകരിച്ചിരിക്കുന്നത്. 1,105 പ്രശ്ന ബാധിത ബൂത്തുകളില് വെബ്കാസ്റ്റിംഗും അതീവ സുരക്ഷയുമാണ് ഒരുക്കിയിട്ടുള്ളത്.
കോവിഡ് പോസിറ്റിവ് ആയവര്ക്ക് വൈകിട്ട് വോട്ട് ചെയ്യാം . തദ്ദേശ സ്വയംഭരണ സ്ഥാപനങ്ങളിലേക്കുള്ള ഒന്നും രണ്ടും ഘട്ട വോട്ടെടുപ്പുകളില് മികച്ച പോളിംഗാണ് രേഖപ്പെടുത്തിയത്. 16 നാണ് വോട്ടെണ്ണല് .
