HIGHLIGHTS : KSU education band tomorrow in the state
തിരുവനന്തപുരം: പൂക്കോട് വെറ്റിനറി സര്വകലാശാല ആസ്ഥാനത്തേക്ക് നടത്തിയ മാര്ച്ചില് നേതാക്കളെ മര്ദ്ദിച്ചതില് പ്രതിഷേധിച്ച് നാളെ സംസ്ഥാന വ്യാപകമായി വിദ്യാഭ്യാസ ബന്ദിന് ആഹ്വാനം ചെയ്തതായി കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യര് അറിയിച്ചു. ‘സിദ്ധാര്ത്ഥനെ കൊന്നത് എസ്.എഫ്.ഐ’ എന്ന മുദ്രാവാക്യം ഉയര്ത്തി, എസ്.എഫ്.ഐ വിചാരണ കോടതികള് പൂട്ടുക, ഇടിമുറികള് തകര്ക്കപ്പെടുക, ഏക സംഘടനാ വാദം അവസാനിപ്പിക്കുക തുടങ്ങിയ ആവശ്യങ്ങള് ഉന്നയിച്ചാണ് കെ.എസ്.യു വെറ്റിനറി സര്വ്വകലാശാല ആസ്ഥാനത്തേക്ക് മാര്ച്ച് നടത്തിയത്.
അതേസമയം സിദ്ധാര്ത്ഥന്റെ മരണത്തിനെ തുടര്ന്ന് കെ.എസ്.യു വയനാട് ജില്ലാ പ്രസിഡന്റ് ഗൗതം ഗോകുല്ദാസ് നടത്തിവന്ന നിരാഹാര സമരം തലസ്ഥാനത്തേക്ക് വ്യാപിപ്പിച്ചു. സെക്രട്ടേറിയേറ്റിന് മുന്നില് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യര്, യൂത്ത് കോണ്ഗ്രസ് സംസ്ഥാന പ്രസിഡന്റ് രാഹുല് മാങ്കൂട്ടത്തില്, മഹിളാ കോണ്ഗ്രസ് സംസ്ഥാന പ്രസിഡന്റ് ജെബി മേത്തര് എംപി എന്നിവര് അനിശ്ചിതകാല നിരാഹാര സമരം ആരംഭിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു