തിരുവനന്തപുരം: കെ ആര് നാരായണന് ഫിലിം ഇന്സ്റ്റിറ്റ്യൂട്ട് ഡയറക്ടര് ശങ്കര് മോഹന് രാജിവവെച്ചു. രാജിക്ക് വിവാദവുമായി ഒരു ബന്ധവുമില്ലെന്നാണ് ശങ്കര്മോഹന്റെ വിശദീകരണം.
മുഖ്യമന്ത്രിയുടെ ഓഫീസില് നേരിട്ടെത്തിയാണ് രാജി നല്കിയിരിക്കുന്നതെന്നാണ് വിവരം. ഉന്നത വിദ്യാഭ്യാസ മന്ത്രി ആര് ബിന്ദുവിനും രാജി കത്ത് നല്കിയിട്ടുണ്ട്.
ഫിലിം ഇന്സ്റ്റിറ്റ്യൂട്ടിലെ ജാതി വിവേചനം, പ്രവേശനത്തില് സംവരണ അട്ടിമറി, വിദ്യാര്ത്ഥികള്ക്ക് സൗകര്യങ്ങള് നിഷേധിക്കല് തുടങ്ങിയ ആരോപണങ്ങളുന്നയിച്ചാണ് ഇന്സ്റ്റിറ്റ്യൂട്ട് ഡയറക്ടര് രാജിവെക്കണമെന്ന് ആവശ്യപ്പെട്ട് വിദ്യാര്ത്ഥികള് സമരത്തിലായിരുന്നു. ഈ ആരോപണങ്ങള് അന്വേഷിക്കുന്നതിനായി സര്ക്കാര് മൂന്നംഗ സമിതിയെ നിയോഗിച്ചിരുന്നു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
