തിരുവനന്തപുരം: സംസ്ഥാനത്ത് ഇന്നും മഴ തുടരും. സംസ്ഥാനത്ത് തിങ്കളാഴ്ച വരെ വ്യാപകമായി ശക്തമായ മഴ തുടരുമെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇടിമിന്നല് മുന്നറിയിപ്പും നിലവിലുണ്ട്. ഇന്ന് പത്ത് ജില്ലകളിലും നാളെ ഒന്പത് ജില്ലകളിലും യെല്ലോ അലേര്ട്ട് പ്രഖ്യാപിച്ചിട്ടുണ്ട്.
തിരുവനന്തപുരം, ആലപ്പുഴ, കണ്ണൂര്, കാസര്ഗോഡ് ഒഴികെയുള്ള ജില്ലകളിലാണ് ഇന്ന് യെല്ലോ അലേര്ട്ട് പ്രഖ്യപിച്ചിട്ടുള്ളത്.
തെക്കന് തമിഴ്നാട് തീരത്ത് രൂപപ്പെട്ട ചക്രവാതച്ചുഴിയില് നിന്ന് മധ്യ കിഴക്കന് അറബിക്കടലില് കര്ണാടക തീരം വരെ ന്യൂനമര്ദ്ദ പാത്തി നിലനില്ക്കുന്നതാണ് കേരളത്തില് വ്യാപക മഴക്ക് കാരണമാകുന്നത്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
