തിരുവനന്തപുരം: സംസ്ഥാന സര്ക്കാര് കെ റെയില് കല്ലിടല് നിര്ത്തിവെച്ചു. സാമൂഹിക ആഘാത പഠനത്തിന് ഇനിമുതല് ജിപിഎസ് സംവിധാനത്തിലൂടെ സര്വേ നടത്താനാണ് റവന്യൂ വകുപ്പിന്റെ തീരുമാനം. കല്ലിടലുമായി ബന്ധപ്പെട്ട വന് പ്രതിഷേധങ്ങള്ക്കും കടുത്ത രാഷ്ട്രീയ വിവാദങ്ങള്ക്കും സമരക്കാരും പൊലീസുമായുള്ള നിരന്തര സംഘര്ഷങ്ങള്ക്കും പിന്നാലെയാണ് പുതിയ തീരുമാനം.
ജിപിഎസ് ഉപയോഗിച്ചോ ജിപിഎസ് സംവിധാനമുള്ള മൊബൈല് ഫോണ് ഉപയോഗിച്ചോ സര്വെ നടത്തും. ജിയോ ടാഗിംഗ് വഴി അതിരടയാളങ്ങള് രേഖപ്പെടുത്തും. കേരള റെയില്വെ ഡെവലപ്മെന്റ് കോര്പറേഷന്റെ നിര്ദ്ദേശമനുസരിച്ചാണ് റവന്യു വകുപ്പിന്റെ ഉത്തരവ്.
തൃക്കാക്കര തെരഞ്ഞെടുപ്പിന്റെ പശ്ചാത്തലത്തില് കല്ലിടല് നിര്ത്തിവച്ചതും വലിയ ചര്ച്ചയായി. ഇതിനിടക്കാണ് പുതിയ തീരുമാനം.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
