തൃശൂര്: തൃശൂരില് സ്വകാര്യ ബസില് ജീപ്പ് ഇടിച്ച് രണ്ടു പേര് മരിച്ചു. അഞ്ചു പേര്ക്ക് പരിക്കേറ്റു. ഇന്ന് ഉച്ചയ്ക്കുശേഷം മൂന്നു മണിയോടെ ചേര്പ്പ് മുത്തോള്ളിയാല് ഗ്ലോബല് സ്കൂളിന് സമീപമാണ് അപകടം നടന്നത്. അമിത വേഗത്തില് വന്ന ജീപ്പ് മറ്റൊരു വാഹനത്തെ മറികടക്കാന് ശ്രമിക്കുന്നതിനിടെ അപകടത്തില് പെടുകയായിരുന്നുവെന്ന് നാട്ടുകാര് പറഞ്ഞു. രണ്ട് പേരാണ് ജീപ്പില് ഉണ്ടായത്.
ഇവരെ ഏറെ നേരത്തെ പ്രയത്നത്തിനൊടുവില് പുറത്ത് എടുത്ത് കൂര്ക്കഞ്ചേരിയിലെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. ജീപ്പിലുണ്ടായിരുന്ന മഞ്ഞപ്ര സ്വദേശി ബിജു ദേവസി, ഇതര സംസ്ഥാന തൊഴിലാളി എന്നിവരാണ് മരിച്ചത്. അപകടത്തില് ബസിലുണ്ടായിരുന്ന അഞ്ചു പേര്ക്കും പരിക്കേറ്റു. ഇവരെയും ആശുപത്രിയില് പ്രവേശിപ്പിച്ചു. ബസിലേക്ക് ഇടിച്ചുകയറിയ നിലയിലാണ് ജീപ്പ്. ജീപ്പിനുള്ളില് രണ്ടു പേരും കുടുങ്ങി പോവുകയായിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
