HIGHLIGHTS : 'It's been 10 days since MT left.. I came because I didn't forget..' Mammootty arrives at Sithara
എം ടി വാസുദേവന്നായരുടെ വീട്ടിലെത്തി നടന് മമ്മൂട്ടി. ഷൂട്ടിംഗ് തിരക്കുമായി ബന്ധപ്പെട്ട് നാട്ടിലില്ലാത്തതിനാല് മരണ സമയത്ത് അദ്ദേഹത്തിന് എത്താന് സാധിച്ചിരുന്നില്ല. രമേഷ് പിഷാരടിക്കൊപ്പമാണ് അദ്ദേഹം നടക്കാവിലെ എംടിയുടെ വസതിയായ സിതാരയില് എത്തിയത്. എംടിയുടെ കുടുംബാംഗങ്ങളെ അദ്ദേഹം ആശ്വസിപ്പിച്ചു.
എംടി പോയിട്ട് 10 ദിവസമായി. മറക്കാത്തത് കൊണ്ടാണല്ലോ വന്നത്. മറക്കാന് പറ്റാത്തത് കൊണ്ട് – അദ്ദേഹം കുടുംബാംഗങ്ങളെ സന്ദര്ശിച്ച ശേഷം മാധ്യമങ്ങളോട് പ്രതികരിച്ചു.
മമ്മൂട്ടിയുടെ അഭിനയജീവിതത്തിലെ സുപ്രധാന കഥാപാത്രങ്ങള് പലതും എംടി വാസുദേവന് നായരുടേതാണ്. എംടിയുടെ കഥാപാത്രങ്ങള്ക്ക് മമ്മൂട്ടി ജീവന് പകര്ന്നപ്പോഴെല്ലാം ഇരുവര്ക്കും ഇടയിലെ വിസ്മയിപ്പിക്കുന്ന ഇഴയടുപ്പം പ്രേക്ഷകര് അനുഭവിച്ചു. വടക്കന് പാട്ടുകളില് ക്രൂരനും ചതിയനുമായ ചന്തുവിന് നായകപരിവേഷമാണ് എം ടി നല്കിയത്. അതുവരെ കണ്ടുംകേട്ടും പരിചയിച്ച കഥകളില് നിന്ന് തികച്ചും വ്യത്യസ്തം. എംടിയുടെ തൂലികയില് വടക്കന് പാട്ടിലെ കഥാപാത്രങ്ങള് പുനര്ജനിച്ചപ്പോള് പ്രേക്ഷകര് അത് രണ്ട് കൈയ്യും നീട്ടി സ്വീകരിച്ചു. ഒരു വടക്കന് വീരഗാഥ മലയാളസിനിമക്കും മമ്മൂട്ടിക്കും നിരവധി നേട്ടങ്ങള് നേടിക്കൊടുത്തു.
എംടിയുടെ മരണ ശേഷം സാമൂഹ്യ മാധ്യമങ്ങളില് വൈകാരികമായ കുറിപ്പ് മമ്മൂട്ടി പങ്കുവച്ചിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
