കൊച്ചി: തലവന് സിനിമയിലൂടെയുള്ള തന്റെ തിരിച്ചുവരവ് ആഘോഷിക്കുമ്പോള് ബാപ്പയും ഉമ്മയും കൂടെവേണമെന്നത് തന്റെ വാശിയായിരുന്നെന്ന് നടന് ആസിഫ് അലി. ജിസ് ജോയുടെ സംവിധാനത്തില് പുറത്തിറങ്ങിയ തലവന് സൂപ്പര് ഹിറ്റിലേക്ക് കുതിക്കുമ്പോള് മാധ്യമങ്ങളോട് സംസാരിക്കുകയായിരുന്നു ആസിഫ്. ഷോ കഴിഞ്ഞ ശേഷം മാധ്യമപ്രവര്ത്തകര് തന്നോട് ചിത്രത്തിന്റെ വിശേഷങ്ങള് ചോദിക്കുമ്പോള് അകലെ നിന്ന് ഇതൊക്കെ വീക്ഷിക്കുന്ന ബാപ്പയെ ഒളികണ്ണിട്ട് നോക്കിയെന്നും അദ്ദേഹം പറഞ്ഞു.
പുറത്തിറങ്ങി ആദ്യ വീക്കെന്ഡ് കഴിയുമ്പോള് മികച്ച കളക്ഷനും പ്രേക്ഷകാഭിപ്രായവുമാണ് ചിത്രത്തിന് ലഭിക്കുന്നത്. ഫീല് – ഗുഡ് ചിത്രങ്ങളില്നിന്നുള്ള സംവിധായകന് ജിസ് ജോയുടെ വ്യതിചലനം ഗുണം ചെയ്തപ്പോള് മികച്ചൊരു ത്രില്ലറാണ് പ്രേക്ഷകര്ക്ക് ലഭിച്ചിരിക്കുന്നത്. രണ്ട് വ്യത്യസ്ത റാങ്കുകളിലുള്ള പോലീസ് ഓഫീസര്മാരുടെ ഇടയിലുണ്ടാകുന്ന പ്രശ്നങ്ങളാണ് തലവന് പ്രേക്ഷകര്ക്ക് മുന്നില് അവതരിപ്പിക്കുന്നത്. ചിത്രത്തില് ബിജു മേനോനൊപ്പം നായകവേഷമാണ് ആസിഫ് ചെയ്തത്. അരുണ് നാരായണ് പ്രൊഡക്ഷന്സിന്റെയും ലണ്ടന് സ്റ്റുഡിയോസിന്റെയും ബാനറുകളില് അരുണ് നാരായണ്, സിജോ സെബാസ്റ്റ്യന് എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്.
അനുശ്രീ, മിയ, ദിലീഷ് പോത്തന്, കോട്ടയം നസീര്, ശങ്കര് രാമകൃഷ്ണന്, ജോജി കെ. ജോണ്, ദിനേശ്, അനുരൂപ്, നന്ദന് ഉണ്ണി, ബിലാസ് എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ശരത് പെരുമ്പാവൂര്, ആനന്ദ് തേവരക്കാട്ട് എന്നിവരാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്.
സംഗീതം& പശ്ചാത്തലസംഗീതം – ദീപക് ദേവ്, ഛായാഗ്രഹണം – ശരണ് വേലായുധന്. എഡിറ്റിംഗ് – സൂരജ് ഇ എസ്, കലാസംവിധാനം – അജയന് മങ്ങാട്, സൗണ്ട് – രംഗനാഥ് രവി, മേക്കപ്പ് – റോണക്സ് സേവ്യര്, കോസ്റ്റ്യൂം – ജിഷാദ്, ചീഫ് അസ്റ്റോസ്സിയേറ്റ് ഡയറക്ടര് – സാഗര്, അസ്റ്റോസ്സിയേറ്റ് ഡയറക്ടേര്സ് – ഫര്ഹാന്സ് പി ഫൈസല്, അഭിജിത്ത് കെ എസ്, പ്രൊഡക്ഷന് മാനേജര് – ജോബി ജോണ്, പ്രൊഡക്ഷന് എക്സിക്യൂട്ടീവ് – ഷെമീജ് കൊയിലാണ്ടി, പ്രൊഡക്ഷന് കണ്ട്രോളര് – ആസാദ് കണ്ണാടിക്കല്, പി ആര് ഒ – വാഴൂര് ജോസ്, ആതിര ദില്ജിത്ത്, ഡിജിറ്റല് മാര്ക്കറ്റിംഗ് – അനൂപ് സുന്ദരന്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
