തൊടുപുഴ: കാഞ്ഞിരപ്പള്ളിയില് വഴിയരികിലെ പഴക്കടയില് നിന്ന് മാമ്പഴം മോഷ്ടിച്ച പൊലീസ് ഉദ്യോഗസ്ഥനെ ജോലിയില് നിന്ന് പിരിച്ചുവിടാന് തീരുമാനം. കേസുമായി ബന്ധപ്പെട്ട കാരണം കാണിക്കല് നോട്ടീസ് ഇടുക്കി എസ്പി വി യു കുര്യോക്കോസ് പൊലീസുകാരന് കൈമാറി.
600 രൂപ വില വരുന്ന 10 കിലോ മാമ്പഴം മോഷ്ടിച്ച ഇടുക്കി എആര് ക്യാമ്പിലെ സിവില് പൊലീസ് ഓഫീസര് പിവി ഷിഹാബിനെതിരെയാണ് നടപടി.2022 സെപ്റ്റംബര് 30ന് നടന്ന സംഭവത്തില് മുണ്ടക്കയം സ്വദേശി ഷിഹാബിനെതിരെ പൊലീസ് കേസെടുത്തിരുന്നു. കോട്ടയം മെഡിക്കല് കോളേജിലെ ഡ്യൂട്ടി കഴിഞ്ഞ് മടങ്ങവെ പുലര്ച്ചെയായിരുന്നു മോഷണം. രാവിലെ കടതുറക്കാന് ഉടമ എത്തിയപ്പോഴാണ് മോഷണ വിവരം അറിഞ്ഞത്. തുടര്ന്ന് പൊലീസില് പരാതി നല്കുകയായിരുന്നു.
കടയുടെ സമീപത്തെ സിസിടിവി ദൃശ്യങ്ങളില് വാഹനത്തിന്റെ നമ്പര് ഉള്പ്പടെ വ്യക്തമായിരുന്നതാണ് പൊലീസുകാരനെ കണ്ടെത്താന് സഹായിച്ചത്. കടയുടെ അരികില് സ്കൂട്ടര് നിര്ത്തിയ പൊലീസുകാരന് മാമ്പഴങ്ങള് എടുത്ത് വണ്ടിയില് ഇടുന്നതുള്പ്പടെ ദൃശ്യങ്ങളില് വ്യക്തമായിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
