ദില്ലി : സെബി ചെയര്പേഴ്സണ് മാധബി ബുച്ചിനും, ഭര്ത്താവിനും അദാനി ഗ്രൂപ്പിലേക്ക് പണമെത്തിയ നിഴല് കമ്പനികളില് നിക്ഷേപമുണ്ടായിരുന്നുവെന്ന് യു.എസ്. നിക്ഷേപ ഗവേഷണ സ്ഥാപനവും ഷോര്ട്ട് സെല്ലറുമായ ഹിന്ഡന് ബര്ഗ് കണ്ടെത്തല്. അദാനിക്കെതിരായ അന്വേഷണം സെബി മന്ദഗതിയിലാക്കിയതിന് പിന്നില് ഈ ബന്ധമെന്നും ഹിന്ഡന് ബര്ഗ് റിപ്പോര്ട്ടിലുണ്ട്.
ഓഹരി വിപണിയുമായി ബന്ധപ്പെട്ട് അദാനി ഗ്രൂപ്പ് കൃത്രിമത്വം കാട്ടിയെന്നാണ് ഹിന്ഡന്ബര്ഗ് നേരത്തെ പുറത്ത് വിട്ട റിപ്പോര്ട്ട്. 2023 ജനുവരി 24നായിരുന്നു അദാനി ഗ്രൂപ്പിനെതിരെ വന് വെളിപ്പെടുത്തലുകളുമായി ഹിന്ഡന്ബര്ഗ് റിസര്ച്ച് റിപ്പോര്ട്ട് പുറത്തുവന്നത്. ഓഹരികള് പെരുപ്പിച്ച് കാട്ടി അദാനി വന് ലാഭം കൊയ്തുവെന്നും, അതു വഴി കൂടുതല് വായ്പകള് സംഘടിപ്പിക്കുന്നുവെന്നുമായിരുന്നു കഴിഞ്ഞ വര്ഷം പുറത്ത് വിട്ട റിപ്പോര്ട്ടിലുണ്ടായിരുന്നത്.
യുഎസ് ആസ്ഥാനമായുള്ള ഗവേഷക സ്ഥാപനമായ ഹിന്ഡന്ബര്ഗ് റിസര്ച്ചിന്റെ റിപ്പോര്ട്ട് വരുന്നതിന് തലേന്ന് അദാനിയുടെ ആകെ ഓഹരി മൂല്യം 19.2 ലക്ഷം കോടി രൂപയായിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
