വാഷിംങ്ടണ്: ന്യൂയോര്ക്ക് മേയര് തെരഞ്ഞെടുപ്പില് ഡെമോക്രാറ്റിക് പാര്ട്ടിയുടെ സൊഹ്റാന് മംദാനിക്ക് വിജയം. ന്യൂയോര്ക്ക് മേയറാകുന്ന ആദ്യ ഇന്ത്യന് വംശജനും കമ്മ്യൂണിസ്റ്റുമാണ് മംദാനി.മുന് ഗവര്ണര് ആന്ഡ്രൂ ക്യൂമോയെയും റിപ്പബ്ലിക്കന് സ്ഥാനാര്ത്ഥി കര്ട്ടിസ് സ്ലിവയെയും പരാജയപ്പെടുത്തിയാണ് ന്യൂയോര്ക്ക് സിറ്റിയുടെ 111-ാമത്തെ മേയറായി മംദാനി സ്ഥാനം ഉറപ്പിച്ചത്. തെരഞ്ഞെടുപ്പിന്റെ ആദ്യഘട്ടം മുതല് വ്യക്തമായ ലീഡ് മംദാനി നിലനിര്ത്തിയിരുന്നു.
ഇന്ത്യന് സംവിധായിക മീരാ നായരുടെയും അക്കാദമിക് പ്രവര്ത്തകന് മഹ്മൂദ് മംദാനിയുടെയും മകനാണ്. ന്യൂയോര്ക്കില് ഇതുവരെ മേയറായി തെരഞ്ഞെടുക്കപ്പെട്ടതില് ഏറ്റവും പ്രായം കുറഞ്ഞ മേയര് കൂടിയാണ് മംദാനി.
തെരഞ്ഞെടുപ്പിന്റെ അവസാന നിമിഷം സൊഹ്റാന് മംദാനിക്കെതിരെ അമേരിക്കന് പ്രസിഡന്റ് ഡോണാള്ഡ് ട്രംപ് രംഗത്തെത്തിയിരുന്നു.
. ആന്ഡ്രൂ ക്യൂമോയുടെ പരാജയം യുഎസ് പ്രസിഡന്റ് ഡൊണാള്ഡ് ട്രംപിന് വലിയ തിരിച്ചടിയാണ് നല്കിയിരിക്കുന്നത്.സോഷ്യലിസ്റ്റ് നേതാവായ മംദാനി നൂറ് ശതമാനം കമ്മ്യൂണിസ്റ്റ് ഭ്രാന്തന് എന്നാണ് ട്രംപ് വിശേഷിപ്പിച്ചിരുന്നത്. മംദാനിയെ തെരഞ്ഞെടുത്താല് ന്യൂയോര്ക്കിനുള്ള ഫെഡറല് ഫണ്ടുകള് വെട്ടികുറയ്ക്കുമെന്നും ഭീഷണിപ്പെടുത്തിയിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
