തിരുവനന്തപുരം: കൊല്ലത്ത് വിദ്യാര്ത്ഥി സ്കൂളില് ഷോക്കേറ്റ് മരിച്ച സംഭവത്തില് മനുഷ്യാവകാശ കമ്മീഷന് സ്വമേധയാ കേസെടുത്തു. പൊതു വിദ്യാഭ്യാസ ഡയറക്ടറും ജില്ലാ പൊലീസ് മേധാവിയും (കൊല്ലം റൂറല്) അടിയന്തരമായി അന്വേഷണം നടത്തി 14 ദിവസത്തിനകം റിപ്പോര്ട്ട് സമര്പ്പിക്കണമെന്ന് കമ്മീഷന് അംഗം വി. ഗീത ആവശ്യപ്പെട്ടു. മാധ്യമ വാര്ത്തകളുടെ അടിസ്ഥാനത്തിലാണ് നടപടി.
തേവലക്കര ബോയ്സ് സ്കൂളിലെ എട്ടാം ക്ലാസ് വിദ്യാര്ത്ഥിയായ മിഥുന് (13) ആണ് സ്കൂളില് ഷോക്കേറ്റ് മരിച്ചത്. സ്കൂള് കെട്ടിടത്തിന് മുകളില് വീണ ചെരിപ്പെടുക്കാന് ശ്രമിക്കുന്നതിനിടെയാണ് അപകടമുണ്ടായത്.
ഇന്ന് രാവിലെയായിരുന്നു സംഭവം. സ്കൂള് കെട്ടിടത്തിനോട് ചേര്ന്ന് സൈക്കിള് വെക്കാനായി ഇരുമ്പ് ഷീറ്റ് പാകിയ ഷെഡ് നിര്മ്മിച്ചിരുന്നു. ഈ ഷെഡിന്റെ മുകളിലേക്ക് ചെരുപ്പ് വീണപ്പോള് എടുക്കാനായി കയറിയതായിരുന്നു കുട്ടി. കാല് തെന്നി വീഴാന് പോയപ്പോള് മുകളിലൂടെ പോകുന്ന ത്രീ ഫേസ് വൈദ്യുതി കമ്പിയില് സ്പര്ശിച്ചതോടെ ഷോക്കേല്ക്കുകയുമായിരുന്നു. ഉടന് സമീപത്തെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
