സംസ്ഥാനത്ത് വടക്കന് ജില്ലകളില് കനത്ത മഴ തുടരുന്നു. രണ്ട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ ( ജൂലൈ 30) ജില്ലാ കളക്ടര് അവധി പ്രഖ്യാപിച്ചു. തൃശൂര്, വയനാട് ജില്ലകളിലാണ് നാളെ അവധി പ്രഖ്യാപിച്ചിരിക്കുന്നത്. ജില്ലയില് മഴ ശക്തമായ സാഹചര്യത്തിലാണ് ട്യൂഷന് സെന്ററുകള്, അങ്കണവാടികള്, പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്ക് അവധി നല്കിയിരിക്കുന്നത്.
തൃശൂരില് മുഴുവന് വിദ്യാര്ത്ഥികള് താമസിച്ചു പഠിക്കുന്ന റസിഡന്ഷ്യല് സ്ഥാപനങ്ങള്ക്ക്/ കോഴ്സുകള്ക്ക് അവധി ബാധകമല്ല. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കുന്നതല്ലെന്ന് തൃശൂര് ജില്ലാ കളക്ടര് അറിയിച്ചു. മോഡല് റസിഡന്ഷല് സ്കൂളുകള്ക്ക് അവധി ബാധകമല്ലെന്നും പി.എസ്.സി പരീക്ഷയ്ക്കും മാറ്റം ഉണ്ടായിരിക്കില്ലെന്ന് വയനാട് ജില്ലാ കളക്ടര് ഡി.ആര് മേഘശ്രീയും അറിയിച്ചു.
സംസ്ഥാനത്ത് ഇന്ന് വ്യാപക മഴയ്ക്ക് സാധ്യതയാണ് പ്രവചിച്ചിരിക്കുന്നത്. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് തുടരുകയാണ്. മറ്റ് ജില്ലകളില് യെല്ലോ അലര്ട്ടാണ്. ജലനിരപ്പ് ഉയര്ന്നതോടെ പീച്ചി ഡാമിന്റെ ഷട്ടര് തുറന്നു. ഡാമിന്റെ നാല് ഷട്ടറുകള് 7.5 സെന്റിമീറ്റര് വീതമാണ് തുറന്നത്. അധികജലം ഒഴുക്കുന്നത് മൂലം മണലി, കരുവന്നൂര് പുഴകളിലെ ജലനിരപ്പ് ഉയരാന് സാധ്യതയുള്ളതിനാല് ജാഗ്രത പാലിക്കണമെന്ന് ജില്ലാ കലക്ടര് അറിയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
