കോണ്ഗ്രസില് നിന്ന് രാജിവെച്ച ഗുലാം നബി ആസാദ് പുതിയ രാഷ്ട്രീയ പാര്ട്ടി പ്രഖ്യാപിച്ചു. ഡെമോക്രാറ്റിക് ആസാദ് പാര്ട്ടി എന്നാണ് പേര്. പാര്ട്ടിയുടെ കൊടിയും ആസാദ് ജമ്മുവില് വാര്ത്താ സമ്മേളനത്തില് പുറത്തിറക്കി. കഴിഞ്ഞ ആഗസ്റ്റ് 26നാണ് ഗുലാം നബി ആസാദ് കോണ്ഗ്രസില്നിന്നും രാജിവച്ചത്. അര നൂറ്റാണ്ടിലേറെയായി കോണ്ഗ്രസില് സജീവമായിരുന്ന നേതാവാണ് ഗുലാം നബി ആസാദ്.
ജമ്മു കശ്മീരില് കോണ്ഗ്രസിന്റെ പ്രചാരണ സമിതി അധ്യക്ഷ സ്ഥാനത്ത് നിന്ന് രാജി വച്ചതിന് തൊട്ടുപിന്നാലെയാണ് പാര്ട്ടിയില് നിന്ന് തന്നെ ഗുലാം നബി പടിയിറങ്ങിയത്. കോണ്ഗ്രസില് മുഴുവന് സമയ നേതൃത്വം വേണമെന്നാവശ്യപ്പെട്ട് 2020 ഓഗസ്റ്റില് കോണ്ഗ്രസ് അധ്യക്ഷ സോണിയാഗാന്ധിക്ക് തുറന്ന കത്തെഴുതിയ 23 നേതാക്കളില് ആസാദുമുണ്ടായിരുന്നു. കോണ്ഗ്രസ് പാര്ട്ടിയില് കൂട്ടായ ചര്ച്ചകള് നടക്കുന്നില്ലെന്നായിരുന്നു ഗുലാം നബി ആസാദ് കൂടി ഉള്പ്പെട്ട ഗ്രൂപ്പ് 23 ന്റെ വിമര്ശനം.
പിന്നാലെ നടന്ന എഐസിസി പുനഃസംഘടനയില് സെക്രട്ടറി സ്ഥാനത്ത് നിന്നും ആസാദിനെ നീക്കിയിരിക്കുന്നു.
